ଆପ୍ ଛାଡ଼ି ଥିବା ୭ ସାଂସଦ ଦେଶଦ୍ରୋହୀ: ଭଗୱନ୍ତ ମାନ୍

ଚଣ୍ଡିଗଡ଼ : ରାଘବ ଚଡ୍ଡାଙ୍କ ସମେତ ଆମ୍ ଆଦମୀ ପାର୍ଟିର ସାତ ଜଣ ରାଜ୍ୟସଭା ସାଂସଦ ଦଳ ଛାଡି ବିଜେପିରେ ଯୋଗ ଦେଉଛନ୍ତି। ଏହି ସମୟରେ, ବିଦେଶ ଗସ୍ତରୁ ଫେରି ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ଚଣ୍ଡିଗଡ଼ରେ ଏକ ସାମ୍ବାଦିକ ସମ୍ମିଳନୀ କରିଥିଲେ। ବିଜେପିକୁ ଟାର୍ଗେଟ କରି କହିଥିଲେ- ବିଜେପିର ପଞ୍ଜାବୀମାନଙ୍କ ସହିତ ଆଦୌ ଭଲ ସଂପର୍କ ନାହିଁ ଏବଂ ବିଜେପି ପଞ୍ଜାବୀଙ୍କ ସହ ବିଶ୍ୱାସଘାତକତା କରିଛି। ମାନ ଅଭିଯୋଗ କରିଛନ୍ତି ଯେ, ବିଜେପି କେନ୍ଦ୍ରୀୟ ଏଜେନ୍ସି ଇଡି , ସିବିଆଇର ବ୍ୟବହାର କରି ଆମ୍ ଆଦମୀ ପାର୍ଟିର ନେତାମାନଙ୍କୁ ଭୟଭୀତ କରୁଛି ଏବଂ ସରକାରଙ୍କୁ ଅସ୍ଥିର କରିବା ପାଇଁ ଅପରେସନ ଲୋଟସ୍ ଚଲାଉଛି। ବିଜେପି ପାଖରେ ପଞ୍ଜାବରେ କୌଣସି ଚେହେରା ନାହିଁ। ପଞ୍ଜାବରେ ବିଜେପିର ୱାସିଂ ମେସିନ୍ ଚାଲିଛି। ବିଜେପି ପଞ୍ଜାବ ଜିତି ପାରିବ ନାହିଁ। ସେ ଆପ୍ ଛାଡିଥିବା ସାତ ଜଣ ସାଂସଦଙ୍କୁ ବିଶ୍ୱାସଘାତକ ବୋଲି କହିଛନ୍ତି। ଆଉ ବିଜେପିରୁ ସେମାନେ କିଛି ପାଇବେ ନାହିଁ ବୋଲି ମଧ୍ୟ ଟିପ୍ପଣୀ କରିଛନ୍ତି।

ସାତଜଣ ରାଜ୍ୟସଭା ସାଂସଦଙ୍କ ଆମ୍ ଆଦମୀ ପାର୍ଟି ଛାଡି ବିଜେପିରେ ଯୋଗ ଦେବା ଉପରେ ମୁଖ୍ୟମନ୍ତ୍ରୀ ଭଗୱନ୍ତ ମାନ କହିଛନ୍ତି ଯେ, ଦଳ ବଡ଼ ହୋଇଥାଏ, ସଂଗଠନ ବଡ଼ ହୋଇଥାଏ, ବ୍ୟକ୍ତି ନୁହେଁ। ଦଳ ଛାଡିଥିବା ଏହି ସାତ ଜଣ ଲୋକ ପଞ୍ଜାବୀ ମାନଙ୍କ ସହିତ ବିଶ୍ୱାସଘାତକତା କରି ଯାଇଛନ୍ତି। ଏଠାରେ ବସି ସେମାନେ ପଦବୀ ପାଇଥିଲେ, ସେମାନଙ୍କୁ କାହାଠାରୁ ଭୋଟ ମାଗିବାର ଆବଶ୍ୟକତା ନଥିଲା। ଏବେ ସେମାନେ ନିଜର ରାଜନୈତିକ କ୍ୟାରିଅର ବଞ୍ଚାଇବା ପାଇଁ ନୁହେଁ ବରଂ ନିଜ ଜୀବନ ବଞ୍ଚାଇବା ପାଇଁ ସେଠାକୁ ଯାଇଛନ୍ତି, କିନ୍ତୁ ସେଠାରେ ମଧ୍ୟ ସେମାନଙ୍କ ସହିତ କିଛି ହେବ ନାହିଁ। ସେଠାରେ ମଧ୍ୟ ସେମାନଙ୍କୁ ବ୍ୟବହାର କରି ଛାଡି ଦିଆଯିବ। ପ୍ରଥମେ ଦେଖନ୍ତୁ, କ୍ୟାପଟେନ ସାହେବଙ୍କ କଥା କେହି ଶୁଣୁ ନାହାନ୍ତି। ସିନ୍ଧିଆଙ୍କ ଦୁର୍ଦ୍ଦଶା ମଧ୍ୟ ସମସ୍ତଙ୍କ ସାମ୍ନାରେ।
ଭଗୱନ୍ତ ମାନ କହିଛନ୍ତି ,କୃଷକ ଆନ୍ଦୋଳନର ସମୟରେ ମଧ୍ୟ ବିଜେପି ବିଶ୍ୱାସଘାତକତା କରିଛି। ଏବେ ଆମର ସାଂସଦଙ୍କୁ ନିଜ ସହ ସାମିଲ କରାଯାଉଛି, କାରଣ ପଞ୍ଜାବରେ ତାଙ୍କର ନିଜର କୌଣସି ମଜବୁତ ଆଧାର ନାହିଁ। କିନ୍ତୁ ସେ ପଚାରୁଛନ୍ତି ଭଗୱନ୍ତ ମାନ ସରକାରର ବିକଳ୍ପ କଣ । ମାନ୍ କହିଛନ୍ତି , ବିଜେପି ଲୋକେ ଆମ ସରକାରର କାମରେ ଭୟଭୀତ ହୋଇ ଯାଇଛନ୍ତି। ସେମାନେ ନିଶ୍ଚୟ ସର୍ଭେ କରିଥିବେ, ଯେଉଁଥିରୁ ସେ ଜାଣି ପାରିଛନ୍ତି ଯେ, ତାଙ୍କର ସ୍ଥିତି କେବେ ମଜବୁତ ନାହିଁ। ଏଥିପାଇଁ ଆମ ଦଳକୁ ଭାଙ୍ଗିବାକୁ ଚେଷ୍ଟା କରାଯାଉଛି।