Garvita Odia
ଦେବଗଡ଼: ଦେବଗଡ଼ ଜିଲ୍ଲା କୁଣ୍ଢେଇଗୋଳା ଗାଁରେ ଶନିବାର ବିଦ୍ୟୁତ୍ ଆଘାତରେ ଜଣେ ମହିଳା ଓ ତାଙ୍କ ନାବାଳକ ପୁଅଙ୍କ ମୃତ୍ୟୁ ଘଟିଛି। ମୃତକ ଦ୍ୱୟ ହେଉଛନ୍ତି ଉପବାସୀ ଭୂତିଆ ଓ ମନପ୍ରୀତ ଭୂତିଆ (୭)। ଘର ପରିସରରେ ଥିବା କୂଅରେ ପାଣି ପମ୍ପ ଲାଗିଥିଲା । ପାଣି ପମ୍ପ ଚଲାଇବାକୁ ମା’, ପୁଅ ଯାଇଥିଲେ। ସେହି ସମୟରେ ସେମାନେ ଏକ ଜୀବନ୍ତ ବିଦ୍ୟୁତ୍ ତା’ର ସଂସ୍ପର୍ଶରେ ଆସି ଯାଇଥିଲେ। ପରିବାର ଲୋକେ ଉଭୟଙ୍କୁ ଉଦ୍ଧାର କରି କୁଣ୍ଢେଇଗୋଳା ଡାକ୍ତରଖାନାକୁ ନେଇଥିଲେ। ତେବେ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।
ଖବର ପାଇ କୁଣ୍ଢେଇଗୋଳା ଥାନା ଅଧିକାରୀ ଡାକ୍ତରଖାନାରେ ପହଞ୍ଚିଥିଲେ। ପୁଲିସ୍ ଘଟଣା ସଂପର୍କରେ ପଚରାଉଚରା କରିବା ସହ ଶବ ଦୁଇଟିକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
