Garvita Odia
ବାଲିଅନ୍ତା GRP କନଷ୍ଟେବଲ୍ ସୌମ୍ୟ ହତ୍ୟା ମାମଲା। ଆଉ ୨ ଜଣଙ୍କୁ ଅଟକ ରଖିଲା ପୋଲିସ୍। ବେଣୁପୁର ଗାଁର ୨ ଜଣଙ୍କୁ ଅଟକ ରଖି ପୋଲିସର ପଚରାଉଚରା। ମାମଲାରେ ପୂର୍ବରୁ ୫ ଜଣଙ୍କୁ ଗିରଫ କରିଛି ପୋଲିସ। ସେପଟେ ମୁହଁ ଖୋଲିଛନ୍ତି ମୃତ ସୌମ୍ୟରଞ୍ଜନ ସ୍ବାଇଁଙ୍କ ସାଙ୍ଗ ଓମ୍ ପ୍ରକାଶ। ଦୁଇ ଯୁବତୀଙ୍କ ଅସଦାଚରଣ ଅଭିଯୋଗକୁ ଖଣ୍ଡନ କରିଛନ୍ତି ଓମ୍ ପ୍ରକାଶ।
କିନ୍ତୁ ସୌମ୍ୟ ଯୁବତୀଙ୍କୁ ମାଡ଼ ମାରିଥିବା ଘଟଣାକୁ ସ୍ୱୀକାର କରିଛନ୍ତି। ଦୁଇ ଯୁବତୀ ମିଛ କହୁଛନ୍ତି, ତଦନ୍ତ ହେବା ଆବଶ୍ୟକ ବୋଲି କହିଛନ୍ତି ଓମ ପ୍ରକାଶ। ସେ କହିଛନ୍ତି, ହଠାତ୍ ସୌମ୍ୟଙ୍କର କଣ ହେଲା କେଜାଣି ମୋତେ ଆକ୍ରମଣ କଲେ। ପରେ ବାଇକ୍ ଭାରସାମ୍ୟ ହରାଇ ଯୁବତୀଙ୍କ ସ୍କୁଟି ସହ ଧକ୍କା ହୋଇଥିଲା। ୭୦/୮୦ ଲୋକ ଆମକୁ ଘେରି ଯାଇଥିଲେ, ୧୦ରୁ ୧୨ ଜଣ ପିଟିଥିଲେ।
ମୁହଁକୁ ଗୋଇଠା ମାଡ଼ ଓ ବାଉଁଶ ଫାଳିଆରେ ପିଟିଥିଲେ। ବିନା ୟୁନିଫର୍ମରେ ଭିଡ଼ ମଧ୍ୟରେ ପିସିଆର୍ ମଧ୍ୟ ସୌମ୍ୟଙ୍କୁ ପିଟୁଥିଲା। ୟୁନିଫର୍ମରେ ଥିବା ପିସିଆର୍ ଚୁପ୍ ହୋଇ ଦେଖୁଥିଲେ। ପ୍ରଥମେ ଆସିଥିବା ପିସିଆର୍ ଚାହିଁଥିଲେ ବଞ୍ଚାଇ ପାରିଥାଆନ୍ତେ। କିନ୍ତୁ ସେ ଚୁପ୍ ହୋଇ ଦେଖିବା ସହ ଖାଲି ଲେଖାଲେଖି କରୁଥିଲେ। ଆଇନକୁ ହାତକୁ ନେଇଥିବା ଲୋକଙ୍କୁ ଦଣ୍ଡ ମିଳିବା ଉଚିତ୍ ବୋଲି କହିଛନ୍ତି ସୌମ୍ୟଙ୍କ ସାଙ୍ଗ ଓମ୍ ପ୍ରକାଶ।
