ବିଜୟଙ୍କ ଶପଥ ସମାରୋହରେ ତ୍ରିଷ୍ଣା କୃଷ୍ଣନ

ନୂଆଦିଲ୍ଲୀ; ଅପେକ୍ଷାର ଅନ୍ତ । ତାମିଲନାଡୁ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଟିଭିକେ ମୁଖ୍ୟ ବିଜୟ । ଆଜିଠୁ ତାମିଲନାଡୁରେ ବିଜୟଙ୍କ ସରକାର ଆରମ୍ଭ ହୋଇଛି । ବିଜୟଙ୍କ ଶପଥ ଗ୍ରହଣ ସମାରୋହର ସମସ୍ତଙ୍କ ନଜର ଅଭିନତ୍ରୀ ତ୍ରିଶାଙ୍କ ଉପରେ ଥିଲା । ସାଉଥ୍ ସୁପରଷ୍ଟାର ଥାଲାପତି ବିଜୟ ଏବେ ତାମିଲନାଡୁ ମୁଖ୍ୟମନ୍ତ୍ରୀ । ଚେନ୍ନାଇ ସ୍ଥିତ ଜବାହାରଲାଲ ନେହେରୁ ଷ୍ଟାଡିୟମରେ ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଛି । ସମାରୋହରେ ଜଣାଶୁଣା ବ୍ୟକ୍ତି ବିଶେଷ ସାମିଲ ହୋଇଥିଲେ । ସମସ୍ତଙ୍କ ନଜର ଅଭିନେତ୍ରୀ ତ୍ରିଷ୍ଣା କ୍ରିଷ୍ଣନଙ୍କ ଉପରେ ଅଟକି ଯାଇଥିଲା ।
​​​​​​​ଥାଲାପତି ବିଜୟଙ୍କ ଶପଥ ଗ୍ରହଣ ଉତ୍ସବରେ ଅନେକ ସେଲିବ୍ରିଟି ଯୋଗ ଦେଇଥିଲେ । ସମସ୍ତଙ୍କ ନଜର ତ୍ରିଶା କୃଷ୍ଣନଙ୍କ ଉପରେ ଥିଲା । ବିଜୟଙ୍କ ସ୍ୱତନ୍ତ୍ର ଦିନରେ ତାଙ୍କର ଘନିଷ୍ଠ ବାନ୍ଧବୀ ତ୍ରିଶା କୃଷ୍ଣନ ସ୍ପେସାଲ ଲୁକରେ ଶପଥ ଗ୍ରହଣ ସମାରୋହରେ ସାମିଲ ହୋଇଥିଲେ । ତାଙ୍କର ଉପସ୍ଥିତି ଥାଲାପତି ବିଜୟଙ୍କ ସ୍ୱତନ୍ତ୍ର ଦିନକୁ ଆହୁରି ସ୍ୱତନ୍ତ୍ର କରିଦେଇଥିଲା । ତ୍ରିଶାଙ୍କ ଉପସ୍ଥିତି, ତାଙ୍କ ପାରମ୍ପରିକ ଲୁକକୁ ନେଇ ମଧ୍ୟ ସେ ଚର୍ଚ୍ଚାରେ । ଏହି ସ୍ୱତନ୍ତ୍ର କାର୍ଯ୍ୟକ୍ରମରେ ତ୍ରିଶା ନୀଳ ରଙ୍ଗର ସିଲକି ଶାଢୀ ପିନ୍ଧିଥିବାର ଦେଖିବାକୁ ମିଳିଛି । ଅଭିନେତ୍ରୀ ନୀଳ ଶାଢୀକୁ କ୍ରିମ୍ ରଙ୍ଗର କଣ୍ଟ୍ରାସ୍ଚ ବ୍ଲଆଜ୍ ପିନ୍ଧିଥିଲେ । ମଥାରେ ଛୋଟ ବିନ୍ଦି ସହ କେଶରେ ଗଜାର ଲଗାଇଥିଲେ । ତ୍ରିଶାଙ୍କର ଏହି ସୁନ୍ଦର ଲୁକ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ବିଜୟ ଏବଂ ତ୍ରିଶାଙ୍କ ବନ୍ଧୁତା ବହୁ ପୁରୁଣା । ସେମାନେ ଅନେକ ଫିଲ୍ମ ଏକାଠି କରିଛନ୍ତି । ସେମାନଙ୍କର ଅନସ୍କ୍ରିନ କେମେଷ୍ଟ୍ରୀ ଏବଂ ଯୋଡ଼ି ପ୍ରଶଂସକଙ୍କଠାରୁ ବେଶ୍ ଭଲ ପାଇବା ସାଉଁଟିଛି ।
ଥାଲାପତି ବିଜୟ ତାମିଲନାଡୁ ରାଜନୀତିରେ ହିରୋ ଭଳି ଏଣ୍ଟ୍ରି କରିଛନ୍ତି । ତାଙ୍କ ଦଳ ଟିଭିକେ ଡିଏମ୍‌କେ ଏବଂ ଏଆଇଏଡିଏମକୁ ଧରାଶାୟୀ କରି ମୁଖ୍ୟମନ୍ତ୍ରୀ ହୋଇଛନ୍ତି । ଟିଭିକେର ଏହି ସଫଳତା ପଛରେ ବିଜୟଙ୍କ ଗାର୍ଲଫ୍ରେଣ୍ଡ ବୋଲି କୁହାଯାଉଥିବା ତ୍ରିଶା କ୍ରିଷ୍ଣନଙ୍କ ଭୂମିକା ଥିବା ଚର୍ଚ୍ଚା ହେଉଛି । ଏପରିକି କିଛି ତାଙ୍କୁ କେହି କେହି ବିଜୟଙ୍କ ‘ଲେଡି ଲକ୍’ ଭାବେ ସମ୍ବୋଧନ କରୁଛନ୍ତି । ୫୧ ବର୍ଷୀୟ ବିଜୟ ତାମିଲ ଫିଲ୍ମ ଜଗତର ବଡ଼ ଷ୍ଟାର ହୋଇଥିବାବେଳେ ତ୍ରିଶାଙ୍କୁ ‘କ୍ୱିନ୍ ଅଫ୍ ସାଉଥ୍ ଇଣ୍ଡିଆ’ ଭାବେ ସମ୍ବୋଧନ କରାଯାଏ । ଉଭୟ ପ୍ରାୟ ୫ଟି ଫିଲ୍ମରେ ଏକାଠି ନଜର ଆସିଛନ୍ତି । ସେଥିମଧ୍ୟରେ ୨୦୨୩ର ସୁପରହିଟ୍ ଫିଲ୍ମ ‘ଲିଓ’ ସାମିଲ ।