ଆଇଆଇଟି ଦିଲ୍ଲୀର କମାଲ, ୫୦ ଡିଗ୍ରୀରେ ଚାଲିବ ଏସି

ନୂଆଦିଲ୍ଲୀ:ଭାରତର ଚାରିଆଡେ ଏବେ ଗ୍ରୀଷ୍ମ ଲହରୀ । ସାରା ଭାରତ ଜଳୁଛି । ଅନେକ ରାଜ୍ୟରେ ତାପମାତ୍ରା ୪୫ ରୁ ୫୦ ଡିଗ୍ରୀ ପର୍ଯ୍ୟନ୍ତ ପହଞ୍ଚିଛି । ଏପରି ସ୍ଥିତିରେ, ଏୟାର କଣ୍ଡିସନର ବି ଜଳିଯାଉଛି । ଭାରତରେ ହେଉଥିବା ତାତି ଦାଉରୁ ଘରକୁ ଥଣ୍ଡା ରଖିବା ଅପ୍ଟିମିଷ୍ଟ ନାମକ ଏକ କମ୍ପାନୀ ଏକ ସ୍ୱତନ୍ତ୍ର ଏସି ଆଣିଛି, ଯାହାକୁ ବିଶେଷ ଭାବରେ ଆଇଆଇଟି ଦିଲ୍ଲୀର ସହଯୋଗରେ ବିକଶିତ କରାଯାଇଛି । କମ୍ପାନୀ ଦାବି କରିଛି ଯେ ଏହାର ଟର୍ବୋ ପ୍ଲସ୍‌ ବୈଶିଷ୍ଟ୍ୟ ସାହାଯ୍ୟରେ, ଏହି ୧.୪ ଟନ୍‌ ଏସି ୧.୯ ଟନ୍‌ ଏସି ପରି ଥଣ୍ଡା କରିପାରିବ । ଅପ୍ଟିମିଷ୍ଟ ୱେବସାଇଟ୍‌ ଅନୁଯାୟୀ, ଏହି ଏସିକୁ ୬.୦୫ ଆଇଏସ୍‌ଇଇଆର ରେଟିଂ ମିଳିଛି ଯାହାକି ୨୫ ରୁ ୩୫ ପ୍ରତିଶତ ବିଦ୍ୟୁତ୍‌ ବ୍ୟବହାର ହ୍ରାସ କରିବ । ଭାରତ ପାଇଁ ସ୍ୱତନ୍ତ୍ର ଭାବରେ ଡିଜାଇନ୍‌ ହୋଇଥିବା ଏହି ଏସି ରେ ଥିବା ଗ୍ୟାସ୍‌ ସ୍ତର ସ୍ପଷ୍ଟ ଭାବରେ ଜଣାପଡିବ । ଏସିରେ କେତେ ଗ୍ୟାସ୍‌ ଅଛି ଆପଣ ଜାଣିପାରିବେ । ଏହା ବ୍ୟତୀତ, ଏହି ଏସିକୁ ଏକ ଆପ୍‌ ମାଧ୍ୟମରେ ନିୟନ୍ତ୍ରଣ କରାଯାଇପାରିବ ଓ ପ୍ରକୃତରେ କେତେ ବିଦ୍ୟୁତ୍‌ ଖର୍ଚ୍ଚ ହେଉଛି ତାହା ବି ଟ୍ରାକ୍‌ କରିହେବ । ଆପଣ ଜାଣିପାରବେ ଏସି କେତେ ବିଜୁଳି ଖର୍ଚ୍ଚ କରୁଛି ।