ବିନାୟକ ଦାମୋଦର ସଭରକରଙ୍କ ଜୟନ୍ତୀ ପାଳିତ

ଦେବଗଡ:ଭାରତ ସରକାର ଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ଅଧିନସ୍ଥ ମେରା ଯୁବା ଭାରତ ଓ ହରିଜନ ଆଦିବାସୀ ଯୁବକ ସଂଘ ର ମିଳିତ ସହଯୋଗରେ ଦଣ୍ଡା ସିଂହା ଗ୍ରାମ ପଞ୍ଚାୟତ ସଭାଗୃହ ଠାରେ ବିନାୟକ ଦାମୋଦର ସଭରକରଙ୍କ ଜନ୍ମ ଜୟନ୍ତୀ ପାଳିତ ହୋଇଯାଇଛି l ମେରା ଯୁବା ଭାରତ ର ପ୍ରଦୀପ କୁମାର ବିଶ୍ଵାଳ ଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ଯକ୍ରମରେ ଜିଲ୍ଲା ବି ଜେ ପି ସଭାପତି ଅରୁଣ କୁମାର ସାହୁ ମୁଖ୍ୟ ଅତିଥି ଭାବରେ ଯୋଗଦେଇ ସଭରକରଙ୍କ ଜୀବନୀ ଓ ସ୍ଵାଧୀନତା ସଂଗ୍ରାମ ରେ ତାଙ୍କର ଯୋଗଦାନ ସମ୍ପର୍କରେ ଆଲୋଚନା କରିଥିଲେ l ମୁଖ୍ଯ ବକ୍ତାଭାବରେ ମୀନକେତନ ପ୍ରଧାନ ଯୋଗଦେଇ ହିନ୍ଦୁ ଧର୍ମ ରକ୍ଷା ନିମନ୍ତେ ତାଙ୍କ ପ୍ରୟାସ ଏବଂ ସମାଜ ସୁଧାରକ ଭାବରେ ତାଙ୍କର କାର୍ଯ୍ୟ ଶୈଳୀ, ସାହିତ୍ୟ ସାଧନା, ଓ ଇଂରେଜ ସରକାର ବିରୋଧରେ ସଂଗ୍ରାମ ସମ୍ପର୍କରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ l ସମ୍ମାନିତ ଅତିଥି ଭାବରେ ଦଣ୍ଡାସିଂହା ଗ୍ରାମ ପଞ୍ଚାୟତର ସରପଞ୍ଚ କ୍ଷୀରୋ ଦିନି ପ୍ରଧାନ, ରାଧାକୃଷ୍ଣ ଯୁବକ ସଂଘ, ଆମ୍ବ କଟା ର ସଭାପତି ସୁବ୍ରତ କୁମାର ବେହେରା ପ୍ରମୁଖ ଯୋଗ ଦେଇ ନିଜର ବକ୍ତବ୍ୟ ପ୍ରଦାନ କରିଥିଲେ l ଏହି ଅବସରରେ ଆୟୋଜିତ କୁଇଜ୍ ପ୍ରତିଯୋଗିତା ରେ ବିଦୁସ୍ମିତା ସାହୁ ପ୍ରଥମ, ତେଜସ୍ବୀ ନି ଦେହୁରୀ ଦ୍ଵିତୀୟ ଓ ରାଜେଶ ସାହୁ ତୃତୀୟ ସ୍ଥାନ ଅଧିକାର କରିଥିଲେ l କୃତୀ ପ୍ରତିଯୋଗୀମାନଙ୍କୁ ଅତିଥି ମାନଙ୍କ ଦ୍ଵାରା ପୁରସ୍କାର ପ୍ରଦାନ କରାଯାଇଥିଲା l ଶେଷରେ ହରିଜନ ଆଦିବାସୀ ଯୁବକ ସଂଘ ର ସଭାପତି ପ୍ରଭାତ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ l