୨୦୨୯ରେ ମଧ୍ୟ ବିଜେପି ସପକ୍ଷରେ ଜନାଦେଶ ଯିବ:ପ୍ରଦୀପ ପୁରୋହିତ

ଭୁବନେଶ୍ବର: ଓଡିଶାରେ ବିଜେଡି ସରକାର ପତନ ଓ ବିଜେପି ସରକାର ଉତ୍ଥାନକୁ ଦୁଇ ବର୍ଷ ପୂରଣ ହୋଇଛି । ଆଜିର ଦିନକୁ ମୁଖ୍ୟମନ୍ତ୍ରୀ ଓଡ଼ିଶାର ରାଜନୈତିକ ଇତିହାସରେ ଏକ ଯୁଗାନ୍ତକାରୀ ଓ ଗୌରବମୟ ଦିବସ କହିଛନ୍ତି । ମୁଖ୍ୟମନ୍ତ୍ରୀଙ୍କ ସଫଳତା ଦାବିର ପ୍ରତ୍ୟୁତ୍ତର ରଖିଛି ପୂର୍ବତନ ଶାସକ ଦଳ ବିଜୁ ଜନତା ଦଳ । ‘ଡବଲ ଇଞ୍ଜିନ ସରକାର’ର ଗତ ୨୪ ମାସର ବିଫଳତାର ଏକ ତାଲିକା ପ୍ରଦାନ କରିଛି ବିଜେଡି । ସେପଟେ ବିଜେଡି ତାଲିକାର ଜବାବ ରଖିଛି ଶାସକ ଦଳ ।
ବିଜେଡି ଅଭିଯୋଗରେ ପ୍ରତିତ୍ତୋର ରଖିଛି ଶାସକ ଦଳ । ବରଗଡ଼ ସାଂସଦ ପ୍ରଦୀପ ପୁରୋହିତ କହିଛନ୍ତି, “ଜୁନ ୪ ଆଜିର ଦିନରେ ଓଡିଶାବାସୀ ଭାରତୀୟ ଜନତା ପାର୍ଟି ସପକ୍ଷରେ ଜନାଦେଶ ଦେଇଥିଲେ । ଓଡିଶାରେ ଗୋଟିଏ ଐତିହାସିକ ରାଜନୈତିକ ପଟ୍ଟ ପରିବର୍ତ୍ତନ ହୋଇଥିଲା । ନବୀନ ସରକାର ବିରୋଧରେ ଜନାଦେଶ ହୋଇଥିଲା । ବିଗତ ସରକାର ରାଜ୍ୟର ସାମଗ୍ରିକ ବିକାଶ କରିପାରିଲା ନାହିଁ । ଦୁର୍ନୀତିରେ ଲିପ୍ତ ରହିବା ସହ ଅରାଜକତା ଚରମ ସୀମାରେ ପହଁଚିଲା । ଖଣି ଖାଦାନରେ ବ୍ୟାପକ ଦୁର୍ନୀତି ହେଲା । ମୋହନ ଚରଣ ମାଝୀଙ୍କ ନେତୃତ୍ୱରେ ବିକଶିତ ଓଡିଶା, ସମୃଦ୍ଧ ଓଡିଶା ଦିଗରେ କାମ ଆରମ୍ଭ କରିଛନ୍ତି । ଚାଷୀ, ମହିଳା ଓ ଅନ୍ୟାନ୍ୟ ବର୍ଗଙ୍କ ପାଇଁ ବିକାଶମୂଳକ ଯୋଜନା କରାଯାଇଛି । ମୋହନ ସରକାର ଚଳଚଞ୍ଚଳ ଅଛି । ୨୦୨୯ ରେ ମଧ୍ୟ ବିଜେପି ସପକ୍ଷରେ ଜନାଦେଶ ଯିବ ।”