Garvita Odia
ଚୌଦ୍ୱାର : ପୁଣି ଚର୍ଚ୍ଚାକୁ ଆସିଲା କଟକ-ଚୌଦ୍ବାର ରାଜନୀତି । ବିଜେଡି ଛାଡ଼ିଲେ ଚୌଦ୍ଵାର ପୌରପାଳିକା ୧୨ନମ୍ୱର ୱାର୍ଡର ପ୍ରଭାବଶାଳୀ କାଉନସିଲର ସୁବ୍ରତ ସାମଲ । ସେ ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି । ପୂର୍ବତନ ବିଧାୟକ ପ୍ରଭାତ ବିଶ୍ୱାଳ ଓ ବର୍ତ୍ତମାନର ବିଧାୟକ ସୌଭିକ ବିଶ୍ୱାଳଙ୍କୁ ସମର୍ଥନ ଜଣାଇ ସେ ଇସ୍ତଫା ଦେଇଥିବା କହିଛନ୍ତି ।
ସେପଟେ ସେ ଦଳ ଛାଡ଼ିବାର ଅନ୍ୟ ଏକ କାରଣ ମଧ୍ୟ ଇସ୍ତଫାପତ୍ରରେ ଦର୍ଶାଇଛନ୍ତି । ପୌରପାଳିକା ଅଧ୍ୟକ୍ଷା ମାନସୀ ସ୍ୱର୍ଣ୍ଣ ପ୍ରଭା ସାମଲ ମୋତେ ଅଣଦେଖା କରୁଛନ୍ତି । ଯେଉଁ କାରଣରୁ କୌଣସି ବିକାଶମୂଳକ କାର୍ଯ୍ୟ ଓ୍ବାର୍ଡରେ ହୋଇପାରୁନି ବୋଲି ସେ କହିଛନ୍ତି । ଯେଉଁ କାରଣରୁ ମୁଁ ଦଳରୁ ଇସ୍ତଫା ଦେଉଛି ବୋଲି ଇସ୍ତଫାପତ୍ରରେ ଦର୍ଶାଇଛନ୍ତି । ସେ ଏକ ପ୍ରେସମିଟରେ ଏ ସମ୍ପର୍କରେ ସୂଚନା ଦେଇ ଦଳର ସୁପ୍ରିମୋଙ୍କୁ ଜଣାଇଛନ୍ତି ।
