Garvita Odia
ଭୁବନେଶ୍ବର: କୁଆଖାଇ ନଦୀରେ ଗାଧୋଇବା ବେଳେ ବୁଡିଯାଇ ଭାସିଗଲେ ୨ ଯୁବକ। ସେମାନଙ୍କ ମଧ୍ୟରୁ ଜଣେ ଯୁବକଙ୍କୁ ଅଗ୍ନିଶମ ବାହିନୀ ଉଦ୍ଧାର କରିଛି। ଉଦ୍ଧାର ଯୁବକ ଜଣକ ହେଲେ ଧଉଳି ଅଞ୍ଚଳ ରୁଦ୍ର ସ୍ବାଇଁ । ଭୁବନେଶ୍ୱର ଉପକଣ୍ଠ ବାଲିଅନ୍ତା ଥାନା ସତ୍ୟଭାମାପୁର ପଞ୍ଚାୟତ ସାଇ ମନ୍ଦିର ନିକଟରେ ଅଭାବନୀୟ ଘଟଣା ଘଟିଛି।
କୁଆଖାଇ ନଦୀକୁ ୪ ଜଣ ଯୁବକ ଗାଧୋଇବା ପାଇଁ ଆସିଥିଲେ । ଗାଧୋଇବା ସମୟରେ ହଠାତ ୨ ଜଣ ଗଭୀର ପାଣିରେ ବୁଡ଼ିଯାଇଥିଲେ। ସେମାନେ ହେଲେ ଲକ୍ଷ୍ମୀସାଗର ଅଞ୍ଚଳର ଦିବ୍ୟଜ୍ୟୋତି ସ୍ବାଇଁ ଓ ଧଉଳି ଅଞ୍ଚଳର ରୁଦ୍ର ସ୍ବାଇଁ । ଖବର ପାଇ ଅଗ୍ନିଶମ ବାହିନୀ ପହଞ୍ଚି ଖୋଜାଖୋଜି କରି ରୁଦ୍ର ନାରାୟଣଙ୍କୁ ଉଦ୍ଧାର କରିଛି। ଅନ୍ୟ ଜଣଙ୍କ ପତ୍ତା ମିଳି ନାହିଁ। ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି।
