ଜ଼ିଲ୍ଲା ସ୍ତରୀୟ ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ପାଳିତ

ଦେବଗଡ଼:ସ୍ଥାନୀୟ ସଂସ୍କୃତି ଭବନରେ ଆଜି ଜିଲ୍ଲାସ୍ତରୀୟ ଗାନ୍ଧୀ ଜୟନ୍ତୀ ଓ ଶାସ୍ତ୍ରୀ ଜୟନ୍ତୀ ପାଳିତ ହୋଇଯାଇଛି।କାର୍ଯ୍ୟକ୍ରମରେ ଜିଲ୍ଲାପାଳ କବୀନ୍ଦ୍ର କୁମାର ସାହୁ ମୁଖ୍ୟଅତିଥି,ସ୍ୱତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ପ୍ରଶାନ୍ତ ବେହେରା,ପ‌ୌରାଧ୍ୟକ୍ଷ‌‌ା ଶାନ୍ତି ମଞ୍ଜରୀ ଦେଇ,ବରିଷ୍ଠ ନାଗରିକ ସୁଧୀର କପରଦାର ସମ୍ମାନିତ ଅତିଥି ଭାବେ ଯୋଗ ଦେଇ ଗାନ୍ଧି ଓ ଶାସ୍ତ୍ରୀ ଫଟୋ ଚିତ୍ରରେ ପୁଷ୍ପ ମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳୀ ଜ୍ଞାପନ କରିବା ସହ ଗାନ୍ଧିଜୀଙ୍କ ସତ୍ୟ ଅହିଂସା ଅସ୍ପୃଶ୍ୟତା ଆଦି ମହତବାଣୀ ଉପରେ ଆଲୋକପାତ କରିବା ସହ ତାଙ୍କର ସରଳ ଜୀବନ ଯାପନ ଓ ଉଚ୍ଚ ମୂଲ୍ୟ ଭିତ୍ତିକ ଚିନ୍ତା ଧାରାରେଅନୁପ୍ରାଣିତ ହେବାକୁ ସମସ୍ତଙ୍କୁ ଆହ୍ୱାନ କରିଥିଲେ।ଏହାପରେ ଏକ ସର୍ବଧର୍ମ ପ୍ରାର୍ଥନାରେ ହିନ୍ଦୁ ଧର୍ମ ପକ୍ଷରୁ ଧର୍ମ ଯାଜକ ମିତ୍ରଭାନୁ ମହାପାତ୍ର ଗୀତା,ଇସଲାମ ଧର୍ମ ପକ୍ଷରୁ ଏମଡି ଇମାମ୍ ହୁସେନ ଓ ଖ୍ରୀଷ୍ଟ୍ ଧର୍ମ ପକ୍ଷରୁ ପ୍ୟାରିସ ଫାଦର୍ କ୍ୟାଥଲିକ ଚର୍ଚ୍ଚ ରଜାମୁଣ୍ଡା ଯୁଗଳ କିଶୋର ହୋର ବାଇବେଲ ପାଠ କରିଥିଲେ। ଏହି ଅବସରରେ ପୂର୍ବରୁ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତୀ ପ୍ରତିଯୋଗୀମାନଙ୍କୁ ଅତିଥିମାନେ ପୁରସ୍କୃତ କରିଥିଲେ।କାର୍ଯ୍ୟକ୍ରମରେ ଜିଲ୍ଲା ମଙ୍ଗଳ ଅଧିକାରୀ ଶିଶିର ପୁହାଣ,ପୌର କାର୍ଯ୍ୟ ନିର୍ବାହୀ ଅଧିକା‌ରୀ କମଳାଶନ ରଥ,ଆଇନଜୀବି ମନୋଜ ପାଢୀ,ବରିଷ୍ଠ ନାଗରିକ ହେମନ୍ତ ମହାପାତ୍ର,ମାର୍କଣ୍ଡେଶ୍ୱର ଶତପଥି,ନିରଞ୍ଜନ ଦ୍ବିବେଦୀ,ଡ.ରାମଚନ୍ଦ୍ର ମହାପାତ୍ର, ଜନ୍ମାଜୟ ନାୟକ,ସମୀର ପ୍ରଧାନ,ପ୍ରଶାନ୍ତ ଦାଶ,ଅଧ୍ୟାପକ ସୁନୀଲ ଦାଶଙ୍କ ସମେତ ବହୁ ବୁଦ୍ଧିଜୀବି ଓ ଛାତ୍ରଛାତ୍ରୀମାନେ ଉପସ୍ଥିତ ଥିଲେ।କାର୍ଯ୍ୟକ୍ରମକୁ ଡିଆଇପିଆରଓ ମନୋରଞ୍ଜନ ସୂତାର ପରିଚାଳନା କରିଥିଲେ।ସେହିପରି ମେରା ଯୁବା ଭାରତ ପକ୍ଷରୁ ରିଆମାଳ ବ୍ଳକର ଟିଙ୍କବୀର ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଗାନ୍ଧୀ ଜୟନ୍ତୀ ଓ ଶାସ୍ତ୍ରୀ ଜୟନ୍ତୀ ପାଳିତ ହୋଇଯାଇଛି।ମେରା ଯୁବା ଭାରତ ଦେବଗଡର ପ୍ରଦୀପ ବିଶ୍ବା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟକ୍ଷ ଜଗବନ୍ଧୁ ରଣା ମୁଖ୍ୟ ଅତିଥି,ସହକାରୀ ଶିକ୍ଷକ ଆଲୋକ ସାହୁ,ତପସ୍ଵିନୀ ମାଝୀ,ସୀମାଞ୍ଚଳ ସେଲମା,ରାଜେନ୍ଦ୍ର ସାହୁ,ନୟନ ବାରିକ ସମ୍ମାନିତ ଅତିଥି ଭାବେ ଯୋଗଦେଇ ନିଜର ବକ୍ତବ୍ୟ ରଖିଥିଲେ।ଏହି ଅବସରରେ ଅନୁଷ୍ଠିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତୀ ପ୍ରତିଯୋଗୀମାନଙ୍କୁ ଅତିଥିମାନେ ପୁରସ୍କୃତ କରିଥିଲେ।ବିଦ୍ୟାଳୟର ଶିକ୍ଷକ ଦୁଷ୍ମନ୍ତ ପ୍ରଧାନ କାର୍ଯ୍ୟକ୍ରମ ପରିଚାଳନା କରିବା ସହ ଧନ୍ୟବାଦ ଦେଇଥିଲେ।