‘ବିଙ୍ଗ୍‌ ଦ ସଲମାନ ଖାନ୍‌’ ୟୁଟ୍ୟୁବ୍‌ ଚ୍ୟାନେଲ ଖୋଲିଲେ ଭାଇଜାନ୍‌

ଭୁବନେଶ୍ୱର : ବଲିଉଡ୍‌ର ଭାଇଜାନ୍‌ ସଲମାନ ଖାନ୍‌ ଆଜି ନିଜର ପ୍ରଥମ ଅଫିସିଆଲ୍‌ ୟୁଟ୍ୟୁବ୍‌ ଚ୍ୟାନେଲ୍‌ ଲଞ୍ଚ୍‌ କରିଛନ୍ତି । ଏହାର ନାମ ସେ ‘ବିଙ୍ଗ୍‌ ଦ ସଲମାନ ଖାନ୍‌’ରଖିଛନ୍ତି । ସଲମାନ ଇନ୍‌ଷ୍ଟାଗ୍ରାମ୍‌ ଷ୍ଟୋରିରେ ନିଜ ୟୁଟ୍ୟୁବ୍‌ ଚ୍ୟାନେଲ୍‌ର ଲିଙ୍କ୍‌ ଦେବା ସହ ଏକ ଭିଡିଓ ମଧ୍ୟ ସେୟାର କରିଛନ୍ତି । ଏହା ସହ ସେ ଲେଖିଛନ୍ତି, “ଚାଲ ଆରମ୍ଭରୁ ଆରମ୍ଭ କରିବା । ମୋର ଅଫିସିଆଲ୍‌ ୟୁଟ୍ୟୁବ୍‌ ଚ୍ୟାନେଲ୍‌ । ଏ’ରୁ ଜେଡ୍‌ ପର୍ଯ୍ୟନ୍ତ ସବୁକିଛି ଏଠାରେ ମିଳିବ ।” ସୋସିଆଲ୍‌ ମିଡିଆରେ ସଲମାନଙ୍କର ଲକ୍ଷଲକ୍ଷ ପ୍ରଶଂସକ ରହିଛନ୍ତି । ‘ଏକ୍ସ’ରେ ତାଙ୍କର ୪୨.୧ ନିୟୁତ ଏବଂ ଇନ୍‌ଷ୍ଟାଗ୍ରାମ୍‌ରେ ୭୨.୭ ନିୟୁତ ଫଲୋଅର୍ସ ଅଛନ୍ତି । ଏହି ମାଧ୍ୟମରେ ସେ ନିଜର ବିଭିନ୍ନ ଅପ୍‌ଡେଟ୍‌ ପ୍ରଶଂସକଙ୍କ ସହ ସେୟାର କରିଥାନ୍ତି । ଏବେ ୟୁଟ୍ୟୁବ୍‌ ଚ୍ୟାନେଲ୍‌ରେ ତାଙ୍କ ଅଭିନୟ, ଷ୍ଟାଇଲ୍‌ ଓ ପରଦା ଉପରେ ଅଭିନୟ କରିବାର ଶୈଳୀ ଦେଖିବାକୁ ମିଳିବ । ୟୁଟ୍ୟୁବ୍‌ରେ ପ୍ରଥମ ଭିଡିଓ ବି ସେ ସେୟାର କରିଛନ୍ତି । ଚ୍ୟାନେଲ୍‌ ଲଞ୍ଚ୍‌ କରିବା ପରେ ଏହାକୁ ୩୪ ହଜାର ଲୋକ ସବ୍‌ସ୍କ୍ରାଇବ୍‌ କରିଥିବା ବେଳେ ଏଥିରେ ସେଆର ହୋଇଥିବା ପ୍ରଥମ ଭିଡିଓ ‘ସଲମାନ ସାର୍‌ଙ୍କ କ୍ଲାସ୍‌—ବଡି ପାର୍ଟସ୍‌; ଶିକ୍ଷକ ବି ମୁଁ, ଛାତ୍ର ବି ମୁଁ’ ପ୍ରଥମ ଭିଡିଓକୁ ମାତ୍ର ୯ ଘଣ୍ଟା ମଧ୍ୟରେ ୧୭ ହଜାର ଲୋକ ଦେଖିଛନ୍ତି ।