Garvita Odia
ହିନ୍ଦୋଳ: ଲୋଭ ଦେଖାଇ ନିଷ୍ପାପ ଶିଶୁକନ୍ୟାକୁ ଜଣେ କାମୁକ ପୁରୁଷ ଘୃଣ୍ୟ କାମ କରିଛି। ମିଠାମିଠା କଥା କହି ନିଜର ଜାଲରେ ଫସାଇ ସରଳ ନିଷ୍ପାପ ଶିଶୁକନ୍ୟାକୁ ଦୁଷ୍କର୍ମ କରିଛି। ଦୁଷ୍କର୍ମ ଘଟଣାର ଶିକାର ହେଲା ପରେ ନାବାଳିକା ଚିତ୍କାର କରି କାନ୍ଦୁଥିବା ବେଳେ ଅଭିଯୁକ୍ତ ଯୁବକ ପରିତ୍ୟକ୍ତ ଅବସ୍ଥାରେ ବିଲରେ ଛାଡ଼ି ଦେଇ ଫେରାର ହୋଇଯାଇଛି। ଢେଙ୍କାନାଳ ଜିଲ୍ଲା ହିନ୍ଦୋଳ ଅଞ୍ଚଳରେ ଶନିବାର ସନ୍ଧ୍ୟାରେ ଏହି ଅଭାବନୀୟ ଘଟଣା ଘଟିଥିବା ବେଳେ ରବିବାର ସକାଳୁ ଏହା ଚର୍ଚ୍ଚାର କେନ୍ଦ୍ର ପାଲଟିଛି।
ସୂଚନା ଅନୁସାରେ ହିନ୍ଦୋଳ ଅଞ୍ଚଳର ଏକ ଅନୁସୂଚିତ ଜନଜାତି ସଂପ୍ରଦାୟର ଦଂପତି ସ୍ଥାନୀୟ ଅଞ୍ଚଳରେ ଦିନମଜୁରିଆ କାମ କରି ପରିବାର ପୋଷନ୍ତି। ଗତକାଲି ବାପା-ମା’ ଅନ୍ୟଦିନ ଭଳି କାମକୁ ଯାଇଥିବା ବେଳେ ୭ବର୍ଷ ବୟସର ନିଷ୍ପାପ ଶିଶୁକନ୍ୟାକୁ ଅଭିଯୁକ୍ତ ଯୁବକ ଲୋଭ ଦେଖାଇ ଡାକି ନେଇଥିଲା। ନିର୍ଜନ ସ୍ଥାନରେ ନାବାଳିକାକୁ ଦୁଷ୍କର୍ମ କରି ଶେଷରେ ବିଲ ଭିତରେ ଛାଡ଼ି ଦେଇ ଫେରାର ହୋଇଯାଇଥିଲା। ପରିବାର ଲୋକେ ଗାଁ ଲୋକଙ୍କର ଠାରୁ ସୂଚନା ପାଇ ନାବାଳିକାକୁ ଉଦ୍ଧାର କରିଥିଲେ।
