CBSEର ନୂଆ ନିୟମ, ତିନୋଟି ଭାଷା ପଢ଼ିବା ସମ୍ପୂର୍ଣ୍ଣ ବାଧ୍ୟତାମୂଳକ

ନୂଆଦିଲ୍ଲୀ: ସେଣ୍ଟ୍ରାଲ ବୋର୍ଡ ଅଫ୍ ସେକେଣ୍ଡାରୀ ଏଜୁକେସନ୍ (CBSE) ନବମ ଶ୍ରେଣୀର ଛାତ୍ରଛାତ୍ରୀଙ୍କ ପାଇଁ ତିନୋଟି ଭାଷା (Three-Language Rule) ପଢ଼ିବା ସମ୍ପୂର୍ଣ୍ଣ ବାଧ୍ୟତାମୂଳକ କରିଦେଇଛି। ଏହି ନୂଆ ନିୟମ ୧ ଜୁଲାଇ ୨୦୨୬ରୁ ଲାଗୁ କରାଯିବ। ସିବିଏସଇର ଏହି ନିଷ୍ପତ୍ତି ଯୋଗୁଁ ଏବେ ଛାତ୍ରଛାତ୍ରୀଙ୍କୁ ନିଜ ପାଠପଢ଼ାରେ ଭାଷାକୁ ଅଧିକ ମହତ୍ତ୍ୱ ଦେବାକୁ ହେବ। ବୋର୍ଡ ସ୍ପଷ୍ଟ କରିଛି ଯେ, ଭାରତୀୟ ଭାଷାଗୁଡ଼ିକୁ ପ୍ରୋତ୍ସାହନ ଦେବା ହିଁ ଏହି ପଦକ୍ଷେପର ମୁଖ୍ୟ ଉଦ୍ଦେଶ୍ୟ। ଏହି ନୂଆ ନିଷ୍ପତ୍ତି ସମ୍ପର୍କରେ ବୋର୍ଡ ୧୫ ମେ ଦିନ ଏକ ଆଧିକାରିକ ସର୍କୁଲାର ଜାରି କରି ସମସ୍ତ ସ୍କୁଲକୁ ଅବଗତ କରାଇଛି। ସିବିଏସଇ ନିଜ ସର୍କୁଲାରରେ କହିଛି ଯେ, ନ୍ୟାସନାଲ ଏଜୁକେସନ୍ ପଲିସି (NEP) ୨୦୨୦ ଏବେ ନ୍ୟାସନାଲ କରିକୁଲମ ଫ୍ରେମୱର୍କ ଫର ସ୍କୁଲ ଏଜୁକେସନ୍ (NCF-SE) ୨୦୨୩ ଅଧୀନରେ ଏହି ନିଷ୍ପତ୍ତି ନିଆଯାଇଛି। ନୂଆ ଶିକ୍ଷାବର୍ଷରୁ ନବମ ଶ୍ରେଣୀର ଛାତ୍ରଛାତ୍ରୀଙ୍କୁ ତିନୋଟି ଭାଷା (R1, R2, R3) ପଢ଼ିବାକୁ ପଡ଼ିବ। ଏହି ତିନୋଟି ଭାଷା ମଧ୍ୟରୁ ଅତିକମ୍ରେ ଦୁଇଟି ଭାଷା ମୂଳ ଭାରତୀୟ ଭାଷା ହେବା ବାଧ୍ୟତାମୂଳକ। ସ୍କୁଲଗୁଡ଼ିକ ସିବିଏସଇ ଦ୍ୱାରା ସ୍ୱୀକୃତିପ୍ରାପ୍ତ ତାଲିକାରୁ ଯେକୌଣସି ଭାଷା ଚୟନ କରିବାର ବିକଳ୍ପ ଦେଇପାରିବେ। ବିଦେଶୀ ଭାଷାଗୁଡ଼ିକୁ କେବଳ ତୃତୀୟ କିମ୍ବା ଚତୁର୍ଥ ବୈକଳ୍ପିକ ଭାଷା ଭାବେ ଚୟନ କରାଯାଇପାରିବ।ନିଜ ଭାଷାର ବିକଳ୍ପଗୁଡ଼ିକୁ ଅପଡେଟ୍ କରିବାକୁ ପଡ଼ିବ।