Garvita Odia
ରାଇକିଆ: କନ୍ଧମାଳ ଜିଲ୍ଲା ରାଇକିଆସ୍ଥିତ ସୁଧାକିରଣ ମହାବିଦ୍ୟାଳୟ ପରିସରରେ ଅଧ୍ୟକ୍ଷ ଦୀନବନ୍ଧୁ ମହାନ୍ତିଙ୍କ ସଭାପତିତ୍ୱରେ ‘ବିକଶିତ ଭାରତ ୟଙ୍ଗ ଲିଡର’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
କାର୍ଯ୍ୟକ୍ରମରେ କେନ୍ଦ୍ର ସରକାରଙ୍କ ‘ମାଇ ଭାରତ’ର କନ୍ଧମାଳ ଜିଲ୍ଲା ୟୁଥ୍ ଅଫିସର ପ୍ରଶାନ୍ତ କୁମାର ମୁଖ୍ୟ ବକ୍ତା ଭାବେ ଯୋଗଦେଇଥିଲେ। ସେ ଭାରତର ବିକାଶରେ ଯୁବପିଢ଼ିର ଭୂମିକା ଓ ନେତୃତ୍ୱ ସମ୍ପର୍କରେ ଆଲୋକପାତ କରିଥିଲେ। ଏଥିସହ ୨୦୪୭ ମସିହା ସୁଦ୍ଧା ଭାରତ କେଉଁ କେଉଁ କ୍ଷେତ୍ରରେ ବିକଶିତ ରାଷ୍ଟ୍ର ଭାବେ ଆଗକୁ ବଢ଼ିପାରିବ, ସେ ସମ୍ପର୍କରେ ବିସ୍ତୃତ ଭାବେ ମତ ରଖିଥିଲେ।
ସମ୍ମାନିତ ଅତିଥି ଭାବେ ଅଧ୍ୟାପକ ଧର୍ମେନ୍ଦ୍ର ଦିଗାଲ, ଆଲୋକ ପରିଚ୍ଛା ଓ ବିଭୂଷଣ ପ୍ରଧାନ ଯୋଗଦେଇ ଯୁବପିଢ଼ି ଦେଶ ଗଠନରେ ସକ୍ରିୟ ଭୂମିକା ନେବା ନେଇ ମତବ୍ୟକ୍ତ କରିଥିଲେ। ‘ମୋ ଭାରତ’ର ସହଯୋଗୀ ସତ୍ୟବାନ ଦଳବେହେରା କାର୍ଯ୍ୟକ୍ରମ ପରିଚାଳନା କରିଥିଲେ।ଏହି ଅବସରରେ ଛାତ୍ରଛାତ୍ରୀମାନେ ଆଭାସୀ ମାଧ୍ୟମରେ ‘ମାଇ ଭାରତ’ ପୋର୍ଟାଲରେ ନାମ ପଞ୍ଜୀକରଣ କରିବା ସହ କୁଇଜ୍ ଓ ପ୍ରବନ୍ଧ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ଦେଶର ଭବିଷ୍ୟତ ଗଠନରେ ଯୁବପିଢ଼ିକୁ ଅଧିକ ସଚେତନ, ଦାୟିତ୍ୱବାନ ଓ ନେତୃତ୍ୱସମ୍ପନ୍ନ କରିବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ବୋଲି ଆୟୋଜକମାନେ କହିଥିଲେ।କାର୍ଯ୍ୟକ୍ରମକୁ ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ଓ ଅଣଶିକ୍ଷକ କର୍ମଚାରୀ ସହଯୋଗ କରିଥିଲେ।
ରିପୋର୍ଟର: ଦ୍ବିତୀକୃଷ୍ଣ ପଣ୍ଡା
