ଇରାନ ଉପରେ ମୁଁ କେବେ ବି ପରମାଣୁ ବୋମା ବ୍ୟବହାର କରିବି ନାହିଁ : ଟ୍ରମ୍ପ

ନୂଆଦିଲ୍ଲୀ: ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ଉପରେ ପରମାଣୁ ଆକ୍ରମଣ ସମ୍ପର୍କରେ ଏକ ବଡ଼ ବୟାନ ଦେଇଛନ୍ତି । ଇରାନ ଉପରେ ପରମାଣୁ ଆକ୍ରମଣ ନେଇ ଚିନ୍ତାକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଖାରଜ କରିଛନ୍ତି । ପରମାଣୁ ବୋମା ଦ୍ୱାରା ଇରାନ ଉପରେ ଆକ୍ରମଣ କରିବେ କି ପଶ୍ନରେ ଟ୍ରମ୍ପ ସ୍ପଷ୍ଟ କରିଛନ୍ତି ଯେ, ସେ ଇରାନ ସହିତ ଚାଲିଥିବା ଯୁଦ୍ଧକୁ ପରମାଣୁ ସଂଘର୍ଷରେ ପରିଣତ କରିବେ ନାହିଁ । ମୁଁ କେବେ ବି ପରମାଣୁ ବୋମା ବ୍ୟବହାର କରିବି ନାହିଁ କି କାହାକୁ ଏପରି କରିବାକୁ ଅନୁମତି ଦିଆଯିବ ନାହିଁ । ” କିନ୍ତୁ ଟ୍ରମ୍ପ ତେହେରାନକୁ ଚେତାବନୀ ଦେଇଛନ୍ତି ଯେ, ୱାଶିଂଟନ ସହିତ ଶାନ୍ତି ଚୁକ୍ତି ପାଇଁ ସମୟ ସରି ଆସୁଛି । ଇରାନୀ ଗଣମାଧ୍ୟମ ତେହେରାନ ଉପରେ ବିସ୍ଫୋରଣ ରିପୋର୍ଟ କରିବା ପରେ ଟ୍ରମ୍ପଙ୍କ ଚେତାବନୀ ଆସିଛି । ଆମେରିକା-ଇରାନ ଯୁଦ୍ଧବିରତି ପରେ ଏହା ପ୍ରଥମ ଏପରି ଘଟଣା । ବିସ୍ଫୋରଣର କାରଣ ଏପର୍ଯ୍ୟନ୍ତ ଅସ୍ପଷ୍ଟ ।​​​​​​​

ହ୍ୱାଇଟ୍ ହାଉସରେ ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ ଟ୍ରମ୍ପ କହିଥିଲେ ଏତେ ମୂର୍ଖତାପୂର୍ଣ୍ଣ ପ୍ରଶ୍ନ କାହିଁକି ପଚାରୁଛ ? ନା ମୁଁ ଏହାକୁ ବ୍ୟହହାର କରିବି ନାହି କି କେବେ ବି କାହାକୁ କାହା ବିରୋଧରେ ପରମାଣୁ ଅସ୍ତ୍ର ବ୍ୟବହାର କରିବାରୁ ଅନୁମତି ଦେବି ନାହିଁ । ପରମାଣୁ ଅସ୍ତ୍ର ବ୍ୟବହାର କରିବାର କୌଣସି ଯୋଜନା ନାହିଁ, କିନ୍ତୁ ସେ ଏହା ମଧ୍ୟ କହିଛନ୍ତି ଯେ ଇସଲାମିକ୍ ଗଣରାଜ୍ୟ ପାରମ୍ପରିକ ଉପାୟ ଦ୍ୱାରା ସମ୍ପୂର୍ଣ୍ଣ ଧ୍ୱଂସ ହୋଇସାରିଛି । ମୁଁ ୪ ସପ୍ତାହରେ ଇରାନକୁ ପରାସ୍ତ କରିସାରିଛି । ଏବେ ଆମେ କେବଳ ବସି ଦେଖୁଛୁ ଯେ କେଉଁ ଚକ୍ତି ହେଉଛି । ମୁଁ ତରବରିଆ ହେବାକୁ ଚାହୁଁନାହିଁ ।”

ପାକିସ୍ତାନରେ ହେବାକୁ ଥିବା ଇରାନ ଏବଂ ଆମେରିକା ମଧ୍ୟରେ ଦ୍ୱିତୀୟ ପର୍ଯ୍ୟାୟ ଆଲୋଚନା ଅନିଶ୍ଚତତାରେ ରହିଛି । କାରଣ ହୋମୁଜ୍ ପ୍ରଣାଳୀରେ ଦୁଇ ଦେଶ ମଧ୍ୟରେ ବିବାଦ ଜାରି ରହିଛି । ଟ୍ରମ୍ପ ଅନିର୍ଦ୍ଦିଷ୍ଟ କାଳ ପାଇଁ ଯୁଦ୍ଧବିରତି ବୃଦ୍ଧି କରିବା ପରଠାରୁ ହୋମୁଜ୍ ପ୍ରଣାଳୀ ୱାଶିଂଟନ୍ ଏବଂ ତେହେରାନ ଉଭୟଙ୍କ ଧ୍ୟାନ କେନ୍ଦ୍ରିତ ହୋଇ ରହିଛି । ଆମେରିକା ଅସ୍ତ୍ରବିରତି ବଢାଇଲେ ବି ହୋର୍ମୁଜ ପ୍ରଣାଳୀରେ ଅବରୋଧ ଜାରି ରଖିଛି ।