କଏଦୀ ପାଚେରୀ ଡେଇଁ ଫେରାର

ଅନୁଗୋଳ: ଅନୁଗୋଳ ପରିବୀକ୍ଷଣ ଛାତ୍ରାବାସ ତଥା ପର୍ଯ୍ୟବେକ୍ଷଣ ଏବଂ ସ୍ଵତନ୍ତ୍ର ଆବାସ ଗୃହରୁ କଏଦୀ ପାଚେରୀ ଡେଇଁ ଫେରାର ହୋଇଛି। କିଛିଦିନ ପୁର୍ବରୁ ଦୁଇଜଣ କଏଦୀ ଫେରାର ହୋଇଥିବା ବେଳେ ଆଜି ପର୍ଯ୍ୟନ୍ତ ତାଙ୍କର ପତା ମିଳିନାହିଁ। ପୁଣି ଆଜି ଜଣେ ଫେରାର ହୋଇଯାଇଥିବା ନେଇ ସହର ରେ ଏବେ ଚର୍ଚ୍ଚାର ବିଷୟ ପାଲଟିଛି। ଆଜି ସକାଳ ୮ ରେ ଜଣେ ବାଳ ଅପରାଧୀ ମୁଖ୍ୟ ଫାଟକ ଡେଇଁ ଚମ୍ପଟ ମାରିବା ଘଟଣା ପୁଣି ସାମ୍ନା କୁ ଆସିଛି । ସୂଚନା ଯେ, ଶିକ୍ଷକପଡ଼ା ଅଞ୍ଚଳର ଚନ୍ଦନ ବେହେରା (କାଳୁ) ଗତ ଶୁକ୍ରବାର ସାଇମନ୍ଦିର ନିକଟ ଗଳି ରୁ ଜଣେ ବ୍ୟକ୍ତି ଙ୍କ ଠାରୁ ମୋବାଇଲ ଛଡ଼ାଇବା ଅଭିଯୋଗରେ ପୋଲିସ ତାକୁ ଅଟକ ରଖି ଗତକାଲି ଦିନ ୨ଟାରେ ଅନୁଗୋଳ ପରିବିକ୍ଷଣ ଛାତ୍ରାବାସ ତଥା ପର୍ଯ୍ୟବେକ୍ଷଣ ଗୃହରେ ଛଡା ହୋଇଥିଲା। ଆଜି ସକାଳ ୮ ଟା ବେଳକୁ ମୁଖ୍ୟ ଫାଟକ ନିକଟ ପାଚେରୀ ଡେଇଁ ମାଛ ମାର୍କେଟ ଆଡ଼କୁ ଦୌଡ଼ି ପଳାଇଥିଲା। ସଙ୍ଗେ ସଙ୍ଗେ ପର୍ଯ୍ୟବେକ୍ଷକ ଗୃହ ର କର୍ମଚାରୀ ବାହାରକୁ ଆସି ଖୋଜାଖୋଜି କରିଥିଲେ ମଧ୍ୟ ପାଇନଥିଲେ। ଗତ ଫେବୃଆରୀ ମାସ ୧୭ ତାରିଖରେ ଦୁଇ ବାଳ ଅପରାଧୀ ଡ୍ରେନ ମାଧ୍ୟମ ଦେଇ ଚମ୍ପଟ ମାରିଥିଲେ ।ସ୍ଵତନ୍ତ୍ର ଆବାସ ଗୃହର ସୁରକ୍ଷା ଉପରେ ପ୍ରଶ୍ନ ଉଠାଇଛନ୍ତି ବୁଦ୍ଧିଜିବୀ ।