ଗୋଟିଏ କାରରେ ମୋଦି ଏବଂ ପୁଟିନ

ନୂଆଦିଲ୍ଲୀ: ସାଂଘାଇ ସହଯୋଗ ସଂଗଠନ (SCO) ଶିଖର ସମ୍ମିଳନୀ ସମୟରେ ଏକ ଅନନ୍ୟ ଦୃଶ୍ୟ ଦେଖିବାକୁ ମିଳିଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ସେମାନଙ୍କର ଦ୍ୱିପାକ୍ଷିକ ବୈଠକ ପାଇଁ ଗୋଟିଏ କାରରେ ଯାତ୍ରା କରି ଚୀନର ତିଆନଜିନରେ ପହଞ୍ଚିଥିଲେ । ତିଆନଜିନରେ ସେମାନଙ୍କର ଏକତ୍ର ଆଗମନକୁ ଦୁଇ ଦେଶର ସହଭାଗୀତାକୁ ଆହୁରି ମଜବୁତ କରିବାର ସଙ୍କେତ ବୋଲି ବିବେଚନା କରାଯାଉଛି। ଏହି ମୁହୂର୍ତ୍ତ ଭାରତ ଏବଂ ଋଷ ମଧ୍ୟରେ ବଢ଼ୁଥିବା ବନ୍ଧୁତା ଏବଂ ପାରସ୍ପରିକ ବିଶ୍ୱାସର ଏକ ପ୍ରତୀକାତ୍ମକ ବାର୍ତ୍ତା ଦେଇଥିଲା।

ବୈଠକ ପୂର୍ବରୁ ଦୁଇ ନେତାଙ୍କ ଏହି ମିଳିତ ଯାତ୍ରା କୂଟନୈତିକ ମହଲରେ ଆଲୋଚନାର ବିଷୟ ପାଲଟିଥିଲା। ଏହା ଗଭୀର ଭାରତ-ରୁଷ ସମ୍ପର୍କ ଏବଂ ଭବିଷ୍ୟତର ସହଭାଗୀତାର ଏକ ସଙ୍କେତ ବୋଲି ବିଶ୍ୱାସ କରାଯାଏ। SCO ଶିଖର ସମ୍ମିଳନୀ ଅବସରରେ ଅନୁଷ୍ଠିତ ହେବାକୁ ଥିବା ଏହି ଦ୍ୱିପାକ୍ଷିକ ଆଲୋଚନାରେ ଶକ୍ତି ସହଯୋଗ, ପ୍ରତିରକ୍ଷା ଚୁକ୍ତିନାମା, ବାଣିଜ୍ୟ ସମ୍ପର୍କ ଏବଂ ଅନ୍ତର୍ଜାତୀୟ ପ୍ରସଙ୍ଗରେ ଆଲୋଚନା ହେବାର ସମ୍ଭାବନା ରହିଛି।
ଚୀନର ତିଆନଜିନ୍ ସହରରେ ଲେଖାହୋଇଛି ନୂଆ ଅଧ୍ୟାୟ । ଖାସ୍ କରି ଭାରତ-ଚୀନ-ଋଷ ସଂପର୍କ ହୋଇଛି ମଜ୍‌ଭୁତ୍ । ସାଂଘାଇ ସହଯୋଗ ସଂଗଠନ (SCO) ଶିଖର ସମ୍ମିଳନୀ ପାଲଟିବାକୁ ଯାଉଛି ନୂଆ ଇତିହାସ । ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚୀନ ଗସ୍ତରେ ଅଛନ୍ତି। ରବିବାର ସେ ତିଆନଜିନ୍ ରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କୁ ଭେଟିଥିଲେ । ଦୁଇ ନେତାଙ୍କ ମଧ୍ୟରେ ଦ୍ୱିପାକ୍ଷିକ ଆଲୋଚନା ହୋଇଥିଲା।
ସୋମବାର, ଏହି ଶିଖର ସମ୍ମିଳନୀର ସବୁଠାରୁ ଗୁରୁତ୍ୱପୂର୍ଣ୍ଣ ଅଧିବେଶନ ଅନୁଷ୍ଠିତ ହୋଇଥିଲା । ଯେଉଁଥିରେ ସମସ୍ତ ସଦସ୍ୟ ଦେଶର ନେତାମାନେ ସାଧାରଣ ସ୍ୱାର୍ଥ ଏବଂ ଚ୍ୟାଲେଞ୍ଜ ବିଷୟରେ ଆଲୋଚନା କରିଥିଲେ। ଶିଖର ସମ୍ମିଳନୀ ଶେଷରେ, ବିଶ୍ୱର ନଜର ମିଳିତ ପ୍ରେସ୍ ନୋଟ୍ ଉପରେ ରହିଛି । ଯାହା ପରିପ୍ରକାଶ କରିବ ଯେ ସମସ୍ତ ଦେଶ କେଉଁ ପ୍ରସଙ୍ଗ ଉପରେ ଆଲୋଚନା କରିଥିଲେ । କେଉଁ ପ୍ରସଙ୍ଗରେ ସହମତି ହୋଇଥିଲା । ଆଗାମୀ ସମୟରେ ସେମାନଙ୍କର ଧ୍ୟାନ କ’ଣ ରହିବ।