Garvita Odia
କୋରାପୁଟ: କୋରାପୁଟ ଜିଲ୍ଲା ନନ୍ଦପୁର ବ୍ଲକ ପାଡୁଆ ଥାନା ସମ୍ମୁଖ ମୁଖ୍ୟ ରାସ୍ତା ରାସ କାର୍ୟ୍ୟାଳୟ ନିକଟରୁ ପୁଲିସ ଏକ ଟ୍ରକରୁ ୧ ହଜାର ୫ କେଜି ଗଞ୍ଜେଇ ଜବତ କରିଛି। ପୁଲିସ ଡ୍ରାଇଭରକୁ ଗିରଫ କରିଥିବା ବେଳେ ଆଉ ଜଣେ ଅଭିଯୁକ୍ତ ଘଟଣା ସ୍ଥଳରୁ ଚମ୍ପଟ ମାରିଛି। ଗିରଫ ଡ୍ରାଇଭରର ହେଉଛି ରାଜସ୍ଥାନର ଭିଲୱାରା ଜିଲ୍ଲା ବଦନାର ଥାନା ବାରାରି ୟୋମକା ବାରୀୟା ଗାଁର ଦେବୀ ସିଂ।ପାଡୁଆ ଥାନା ଅଧୀନ ବୁଡିଙ୍ଗ ଗାଁ ରୁ ରାଜସ୍ଥାନକୁ ଗଞେଇ ଚାଲାଣ ହେଉଥିବା ଖବର ପାଇ ପାଡୁଆ ଥାନା ଏସ ଆଇ ହିମାଂଶୁ ବେନିୟା ଏବଂ ଟିମ ମୁଖ୍ୟ ରାସ୍ତାରେ ଟ୍ରକକୁ ଅଟକାଇଥିଲେ। ନିମ୍ବ ଚାରା ବୋଝେଇ ଟ୍ରକ୍ ର ଡାଲାରେ ସ୍ଵତନ୍ତ୍ର ଚେମ୍ବର ରେ ଗଞେଇ ଥିବା ଦେଖି ଗଞେଇ ସହ ଟ୍ରକକୁ ଜବତ କରି ଡ୍ରାଇଭରକୁ ଗିରଫ କରିଥିବା ବେଳେ ଅନ୍ୟ ଜଣେ ଚମ୍ପଟ ମାରିଥିଲା। ଓଜନ ପରେ ୧ ହଜାର ୫ କେଜି ଗଂଜେଇ ଥିବା ଜଣା ପଡ଼ିଛି। ଏସ ଆଇ ଦୀପକ ବାରିକ ତଦନ୍ତ ଅଧିକାରୀ ଭାବେ ତଦନ୍ତ ଜାରି ରଖିଛନ୍ତି।
