Garvita Odia
ଦେବଗଡ଼:ଦେବଗଡ଼ ଜିଲ୍ଲାର ବିଭିନ୍ନ କଲେଜରେ ଛାତ୍ର ସଂସଦ ନିର୍ବାଚନରେ ଏବିଭିପି ସମର୍ଥିତ ପ୍ରାର୍ଥୀମାନେ ବିଜୟୀ ହୋଇଛନ୍ତି। କଂସର ଏକଲବ୍ୟ ପଞ୍ଚାୟତ ସମିତି ଡିଗ୍ରୀ କଲେଜରେ ଶୁଭମ ନାଏକ,ରିଆମାଳ ଡିଗ୍ରୀ କଲେଜରେ ଶେଖର ମାଝୀ ଏବଂ ଦେବଗଡ଼ ମଡେଲ ଡିଗ୍ରୀ କଲେଜରେ ସମ୍ବିତ ସ୍ୱାଇଁ ଉପସଭାପତି ଭାବେ ବିଜୟୀ ହୋଇଛନ୍ତି।କଲା ପଞ୍ଚାୟତ ସମିତି ଡିଗ୍ରୀ କଲେଜରେ ମୋହିତ କୁମାର ନାଏକ ଉପସଭାପତି,ସସ୍ମିତା କାଲୋ ସାଧାରଣ ସମ୍ପାଦକ, ଓମପ୍ରକାଶ ନାଏକ ସହକାରୀ ସମ୍ପାଦକ,ଜିତେନ୍ଦ୍ର ନାଏକ କ୍ରୀଡ଼ା ସମ୍ପାଦକ ଓ ପୁଲିନ ନାଏକ ସାଂସ୍କୃତିକ ସମ୍ପାଦକ ଭାବେ ବିଜୟୀ ହୋଇଛନ୍ତି। ସେହିପରି ବୁଢ଼ାପାଳ ପଞ୍ଚାୟତ ସମିତି ଡିଗ୍ରୀ କଲେଜରେ ସତ୍ୟଜିତ ଖିଲର ଏବଂ ସ୍ୱାମୀ ଶିବାନନ୍ଦ ସଂସ୍କୃତ ଡିଗ୍ରୀ କଲେଜରେ ଜସ୍ମିନ ପ୍ରଧାନ ସଭାପତି ଭାବେ ବିଜୟୀ ହୋଇଥିବା ଏବିଭିପି ପକ୍ଷରୁ ପ୍ରେସ ବିବୃତ୍ତିରେ ସୂଚନା ଦିଆଯାଇଛି।ଏହି ଅବସରରେ ଜିଲ୍ଲା ବିଜେପି ସଭାପତି ଅରୁଣ ସାହୁ ଓ ପୂର୍ବ ବିଧାୟକ ସୁବାସ ଚନ୍ଦ୍ର ପାଣିଗ୍ରାହୀ ବିଜୟୀ ପ୍ରାର୍ଥୀମାନଙ୍କୁ ଶୁଭେଛା ଜଣାଇଛନ୍ତି।
