Garvita Odiaଭୁବନେଶ୍ୱର: ଡିଜିଟାଲ ପ୍ଲାଟଫର୍ମରେ ଦେହ ବେପାର । ତାହା ପୁଣି ଅଜଣା ମହିଳାଙ୍କ ଫଟୋ ବ୍ୟବହାର କରି। ସୋସିଆଲ ମିଡିଆ ପ୍ଲାଟଫର୍ମର ବିଭିନ୍ନ ଆଇଡିରୁ ଫଟୋ ନେଇ ସେମାନଙ୍କ ବିନା ଅନୁମତିରେ ଏକ ଏସ୍କର୍ଟ ସର୍ଭିସ ପେଜ କରି ଲୋକଙ୍କୁ ଠକିବା ମହଙ୍ଗା ପଡିଛି। ଭୁବନେଶ୍ବର ତମାଣ୍ଡୋ ଥାନାରେ ଏଭଳି ଏକ ସଙ୍ଗୀନ ଘଟଣାର ଅଭିଯୋଗ ପରେ ୪ ଜଣଙ୍କୁ ଗିରଫ କରିଛି ତମାଣ୍ଡୋ ଥାନା ପୋଲିସ।
ଅଭିଯୁକ୍ତମାନେ ହେଲେ ଉମାକାନ୍ତ ଦଳେଇ, ଚିତ୍ତ ରଞ୍ଜନ ମହାନ୍ତି, ତୋଫାନ ପ୍ରଧାନ ଓ ମିଞ୍ଜି ଭୋଇ। କିଛି ଯୁବତୀ ଓ ମହିଳାଙ୍କ ଫଟୋ ବ୍ୟବହାର କରି ସେମାନେ ଦେହବେପାରରେ ଲିପ୍ତ ଥିବା କଥା କହି ଗରାଖଙ୍କୁ ଆକୃଷ୍ଟ କରୁଥିଲେ। । ଆଡ଼ଭାନ୍ସ ପେମେଣ୍ଟ ଓ ଫୁଲ ପେମେଣ୍ଟ ରିସିଭ କରିବା ପରେ ଚମ୍ପଟ ମାରୁଥିଲେ। ଏକ ଅଭିଯୋଗକୁ ନେଇ ତନାଘନା ପରେ ଗ୍ୟାଙ୍ଗକୁ ଧରିବାରେ ସଫଳ ହୋଇଛି ତମାଣ୍ଡୋ ପୋଲିସ।
ଶତାଧିକ ଲୋକଙ୍କୁ ଏଭଳି ଉପାୟରେ ଠକିଥିବା ଜାଣିବାକୁ ପାଇଛି ପୋଲିସ। କିଛି ଡିଜିଟାଲ ସାମଗ୍ରୀ ମଧ୍ୟ ଜବତ କରାଯାଇଛି। ଯଦି କେହି ଏଭଳି ଠକେଇର ଶିକାର ହୋଇଥାନ୍ତି ତେବେ ତୁରନ୍ତ ନିକଟସ୍ଥ ଥାନାରେ ଅଭିଯୋଗ କରିବାକୁ ଅପିଲ କରିଛନ୍ତି ଭୁବନେଶ୍ୱର ଡିସିପି।
