Garvita Odia
କାଇରୋ (ଇଜିପ୍ଟ),୨୪/୦୪/୨୦୨୬: ଭାରତର ୧୦ ମିଟର ରାଇଫଲ ମିଶ୍ରିତ ଯୁଗଳ ଦଳ ଶମ୍ଭାବୀ ଖୀରସାଗର ଓ ଦିବ୍ୟାଂଶୁ ଦିୱାନ୍ଗାନ୍ ବିଶ୍ବ ରେକର୍ଡ ସ୍କୋର୍ ସହ ଆଇଏସ୍ଏସ୍ଏଫ୍ କନିଷ୍ଠ ବିଶ୍ବକପ୍ରେ ସ୍ବର୍ଣ୍ଣ ପଦକ ଜିତିିଛନ୍ତି। ଶୁକ୍ରବାର ଫାଇନାଲ୍ରେ ଏହି ଭାରତୀୟ ଯୋଡ଼ି ୪୯୯.୦ ସ୍କୋର୍ କରି ପ୍ରଥମ ସ୍ଥାନରେ ରହିଥିଲେ। ଚାଇନିଜ୍ ତାଇପେଇର ସାଇ ଚିଏ-ୟିଙ୍ଗ ସ ଚେନ୍ ୟୁ-ଆନ୍ (୪୯୮.୩) ରୌପ୍ୟ ଏବଂ ଫ୍ରାନ୍ସ ଯୋଡ଼ି ତିଫେନ ପୋମେସ ଓ ଜାସପାର୍ଡ ଲିଜର୍ (୪୩୪.୪) କାଂସ୍ୟ ଜିତିଥିଲେ।
ଭାରତୀୟ ଯୋଡ଼ି ଯୋଗ୍ୟତା ପର୍ଯ୍ୟାୟରେ ୬୩୨.୦ ସ୍କୋର୍ ସହ ଶୀର୍ଷରେ ରହି ଫାଇନାଲ୍ରେ ପହଞ୍ଚିଥିଲେ। ୨୫ ମିଟର ରାପିଡ୍ ଫାୟର ପିସ୍ତଲ ପୁରୁଷ ଯୋଗ୍ୟତା ପର୍ଯ୍ୟାୟରେ ୫୭୩ ସ୍କୋର୍ ସହ ଦ୍ବିତୀୟ ସ୍ଥାନରେ ରହି ଫାଇନାଲ୍ରେ ପହଞ୍ଚିଥିଲେ। ହେଲେ ଫାଇନାଲ୍ରେ ସପ୍ତମ ସ୍ଥାନରେ ରହି ପଦକରୁ ବଞ୍ଚିତ ହୋଇଥିଲେ। ସଂପ୍ରତି ଭାରତ ଏହି ପ୍ରତିଯୋଗିତାରେ ୧୨ (୪ ସ୍ବର୍ଣ୍ଣ, ୫ ରୌପ୍ୟ, ୩ କାଂସ୍ୟ) ପଦକ ସହ ଶୀର୍ଷରେ ରହିଛି। ସୂଚନାଯୋଗ୍ୟ ଯେ ଏହି ପ୍ରତିଯୋଗିତାରେ ଓଡ଼ିଶାର ମାନ୍ୟତା ସିଂହ ୧୦ ମିଟର ଏୟାର ରାଇଫଲ୍ ଯୋଗ୍ୟତା ପର୍ଯ୍ୟାୟରେ ୬୨୮.୩ ସ୍କୋର୍ କରିଥିଲେ ମଧ୍ୟ ଫାଇନାଲ୍ରେ ପହଞ୍ଚିବାରେ ବିଫଳ ହୋଇଥିଲେ।
ରାଜ୍ୟସ୍ତରୀୟ କବାଡି ପ୍ରତିଯୋଗିତା ପାଇଁ ଖେଳାଳୀ ଚୟନ ଶିବିର
Garvita Odia- August 6, 2026
ଦେବଗଡ଼:ଆସନ୍ତା ଅଗଷ୍ଟ ୧୩ ରୁ ୧୬ ତାରିଖ ପର୍ଯ୍ୟନ୍ତ ଭୁବନେଶ୍ଵରରେ ୫୨ତମ ଜୁନିୟର ରାଜ୍ୟସ୍ତରୀୟ କବାଡି(କୋଡିଏ ବର୍ଷ ରୁ କମ ବାଳକ ଓ ବାଳିକା ବର୍ଗ)ପ୍ରତିଯୋଗିତା ଅନୁଷ୍ଠିତ ହେବ।ଏହି ପ୍ରତିଯୋଗିତାରେ ଭାଗ ନେବା ପାଇଁ ଆଜି ଜିଲ୍ଲା କ୍ରୀଡା ସଂସଦ ପକ୍ଷରୁ…
