Garvita Odia
ନୂଆଦିଲ୍ଲୀ: ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରୁ ଏଲପିଜି ବୋଝେଇ ଆଉ ଦୁଇଟି ଟ୍ୟାଙ୍କର ମଙ୍ଗଳବାର ବିଳମ୍ବିତ ରାତିରେ ଯଥାକ୍ରମେ ମୁମ୍ବଇ ଓ ମାଙ୍ଗଲୋର ବନ୍ଦରରେ ପହଞ୍ଚିଥିବା ଜଣାପଡିଛି। ୨୩,୬୫ ମେଟ୍ରିକ ଟନ ଏଲପିଜି ବୋଝେଇ ‘ବିଡବ୍ଲ୍ୟୁ ଟିୱାଇଆର’ ନାମକ ଟ୍ୟାଙ୍କର ୟୁଏଇର ରାସ୍ ଅଲ୍ ଖାଇମା ବନ୍ଦରରୁ ଯାତ୍ରାରମ୍ଭ କରି ଛଅଦିନ ମଧ୍ୟରେ ହର୍ମୁଜ ପ୍ରଣାଳୀ ଅତିକ୍ରମ କରି ମୁମ୍ବଇରେ ପହଞ୍ଚିଛି।
ଏହି ଟ୍ୟାଙ୍କରରେ ଭାରତ ପେଟ୍ରୋଲିୟମ କର୍ପୋରେସନ ପାଇଁ ଏଲପିଜି ବୋଝେଇ ହୋଇଛି। ଅପରପକ୍ଷରେ ୨୩,୧୩୯ ମେଟ୍ରିକ ଟନ ଏଲପିଜି ବୋଝେଇ ‘ବିଡବ୍ଲ୍ୟୁ ଇଏଲଏମ’ ଟ୍ୟାଙ୍କର ହିନ୍ଦୁସ୍ଥାନ ପେଟ୍ରୋଲିମ କର୍ପୋରେସନ ପାଇଁ ଉଦ୍ଦିଷ୍ଟ। ମଧ୍ୟପ୍ରାଚ୍ୟ ଯୁଦ୍ଧ ଲାଗିବା ପରଠାରୁ ଏ ପର୍ୟ୍ୟନ୍ତ ୮ଟି ଟ୍ୟାଙ୍କର ଭାରତରେ ପହଞ୍ଚି ସାରିଛି।
