ଭାରସାମ୍ୟ ହରାଇ ଓଲଟି ପଡିଲା ଟ୍ରକ

ଦେବଗଡ଼:ଦେବଗଡ ଜିଲ୍ଲାର ବାରକୋଟର ୪୯ ନମ୍ବର ଜାତୀୟ ରାଜପଥର ବ୍ଲକ ଛକ ନିକଟରେ ଆଜି ଏକ ଟ୍ରକ ଭାରସାମ୍ୟ ହରାଇ ଓଲଟି ପଡିଥିଲା। ଦୁର୍ଘଟଣାରେ ଟ୍ରକର ଚାଳକ ଓ ହେଲପର ସାମାନ୍ୟ ଆହତ ହୋଇଥିବା ଜଣାପଡିଛି। ସୂଚନା ଅନୁଯାୟୀ, ବରଗଡରୁ ଏକ ବାଇଗଣ ବୋଝଇ ଟ୍ରକ (ଡବ୍ଲୁବି ୨୩ ଏଚ ୮୫୬୮) କୋଲକାତା ଅଭିମୁଖେ ଯାଉଥିବାବେଳେ ବାରକୋଟର ବ୍ଲକ ଛକ ନିକଟରେ ଭାରସାମ୍ୟ ହରାଇ ରାସ୍ତା କଡରେ ଥିବା ଜଳଖିଆ ଦୋକାନରେ ବାଡେଇ ହୋଇ ରାସ୍ତା କଡକୁ ଓଲଟିପଡିଥିଲା। ଦୁର୍ଘଟଣା ପରେ ଉକ୍ତ ଜଳଖିଆ ଦୋକାନ ସଂପୂର୍ଣ୍ଣ ନଷ୍ଟ ହୋଇଯାଇଥିବା ଜଣାପଡିଛି। ସୂଚନାପାଇ ‌ବାରକୋଟ ଥାନା ପୁଲିସ ଘଟଣାସ୍ଥଳରେ ପଂହଚି ଦୁର୍ଘଟଣାଗ୍ରସ୍ତ ଟ୍ରକକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି।