ମୃତ୍ୟୁ ପରେ ନିଜ ମରଶରୀର ଦାନ କରିବେ ସତ୍ୟନାରାୟଣ

ଦେବଗଡ଼:ମୃତ୍ୟୁ ପରେ ନିଜ ମରଶରୀର ବୁର୍ଲା ଭିମସା ମେଡିକାଲକୁ ଛାତ୍ରଛାତ୍ରୀଙ୍କ ଅନାଟମିରେ ପାଠ ପଢିବା ପାଇଁ ପୌରାଚଂଳର ବଣିଆ ସାହି ନିବାସୀ ତଥା ଗଣେଶ ଜେଣ୍ଟସ ପାର୍ଲରର ମାଲିକ ସତ୍ୟନାରାୟଣ ବେହେରା ନିଜ ଶରୀରକୁ ଦାନ କରିବା ନିମନ୍ତେ ଘୋଷଣା କରିଛନ୍ତି।ସୂଚନା ଅନୁଯାୟୀ, ବର୍ତ୍ତମାନ ରାଜ୍ୟରେ ବହୁ ମେଡିକାଲ କଲେଜ ପ୍ରତିଷ୍ଠା ହୋଇଛି। ତେବେ ମେଡିକାଲ କଲେଜ ଛାତ୍ରଛାତ୍ରୀମାନେ ପ୍ରଥମ ବର୍ଷ ବେଳେ ଅନାଟମିରେ ମଣିଷ ଶରୀର ବ୍ୟବଛେଦ କରି ପାଠ ପଢିଥାନ୍ତି।କିନ୍ତୁ ମୃତ୍ୟୁ ମଣିଷ ଶରୀର ଏହି ମେଡିକାଲ ଛାତ୍ରଛାତ୍ରୀମାନଙ୍କୁ ଆଜିକାଲି ପ୍ରାୟ ମିଳିପାରୁନାହିଁ।ଏହାକୁ ଦୃଷ୍ଟିରେ ରଖି ଶ୍ରୀ ବେହେରା ନିଜ ମୃତ୍ୟୁ ପରେ ମେଡିକାଲ ଛାତ୍ରଛାତ୍ରୀଙ୍କ ପାଠ ପଢିବା ପାଇଁ ନିଜ ଶରୀର ବିନିଯୋଗ ହେଉ ବୋଲି ଚିନ୍ତା କରି ସମ୍ବଲପୁରର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ “ଉତ୍ସର୍ଗ”ସହଯୋଗରେ ଘୋଷଣା କରିଛନ୍ତି।ଶ୍ରୀ ବେହେରାଙ୍କ ଏଭଳି ମାନବିକତା ଓ ମୃତ୍ୟୁ ପରେ ମଧ୍ୟ ଜନସେବା ମନୋବୃତ୍ତିକୁ ଦେବଗଡ଼ ସହରବାସୀ ପ୍ରଶଂସା କରୁଛନ୍ତି।