ରୋହିତ ଜୈନ ରିଜର୍ଭ ବ୍ୟାଙ୍କର ନୂଆ ଡେପୁଟି ଗଭର୍ଣ୍ଣର ନିଯୁକ୍ତ

ମୁମ୍ବାଇ: ରୋହିତ ଜୈନ ରିଜର୍ଭ ବ୍ୟାଙ୍କର ନୂଆ ଡେପୁଟି ଗଭର୍ଣ୍ଣର ଭାବେ ୩ ବର୍ଷ ପାଇଁ ନିଯୁକ୍ତ ହୋଇଛନ୍ତି। ଟି ରବିଶଙ୍କରଙ୍କ ସ୍ଥାନରେ ନିଯୁକ୍ତି ପାଇଥିବା ଶ୍ରୀ ଜୈନଙ୍କ କାର୍ୟ୍ୟକାଳ ମେ ୩ ତାରିଖରୁ ଆରମ୍ଭ ହେବ । ସଂପ୍ରତି ସେ ରିଜର୍ଭ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ ପଦରେ ଅଛନ୍ତି। ରବି ଶଙ୍କର ପ୍ରଥମେ ୨୦୨୧ ସେପ୍ଟେମ୍ବରରେ ଡେପୁଟି ଗଭର୍ଣ୍ଣର ଭାବେ ୩ ବର୍ଷ ପାଇଁ ନିଯୁକ୍ତି ପାଇଥିଲେ। ୨୦୨୪ ଏବଂ ୨୦୨୫ରେ ଦୁଇଟି ପର୍ଯ୍ୟାୟରେ ୧ ବର୍ଷ ଲେଖାଏଁ ତାଙ୍କ କାର୍ଯ୍ୟକାଳ ବଢ଼ିଥିଲା। ରିଜର୍ଭ ବ୍ୟାଙ୍କ ଆଇନ ୧୯୩୪ ଅନୁସାରେ କେନ୍ଦ୍ରୀୟ ବ୍ୟାଙ୍କରେ ଦୁଇଜଣ ରିଜର୍ଭ ବ୍ୟାଙ୍କର ଅଧିକାରୀମାନଙ୍କ ମଧ୍ୟରୁ ନିଯୁକ୍ତ ହେବାକୁ ଥିବାବେଳେ ଜଣେ ବାଣିଜ୍ୟିକ ବ୍ୟାଙ୍କରୁ ଏବଂ ଜଣେ ଅର୍ଥନୀତିଜ୍ଞ ମୋଟ ୪ ଜଣ ଡେପୁଟି ଗଭର୍ଣ୍ଣର ନିଯୁକ୍ତ ବ୍ୟବସ୍ଥା ରହିଛି । ଶ୍ରୀ ଜୈନଙ୍କ ବ୍ୟତୀତ ଅନ୍ୟ ୩ ଜଣ ଡେପୁଟି ଗଭର୍ଣ୍ଣର ହେଉଛନ୍ତି ସ୍ୱାମୀନାଥନ ଜେ, ପୁନମ ଗୁପ୍ତା ଏବଂ ଶିରୀଷ ଚନ୍ଦ୍ର ମୁର୍ମୁ ।