ସଙ୍ଘ ର ନିର୍ବାଚନକୁ ନେଇ ବିବାଦ, ଥାନାରେ ମାମଲା

ଯୋଡା,୧୫/୦୫(ରମେଶ ମହାପାତ୍ର) ଯୋଡ଼ା ବହୁଚର୍ଚ୍ଚିତ ଟ୍ରକ୍ ମାଲିକ ସଂଘ ର ନିର୍ବାଚନ ବିବାଦ କୁ ନେଇ ଥାନା ରେ ଇତଲା ନିର୍ବାଚନ ଦିନକୁ ଦିନଘନେଇବାରେ ଲାଗିଛି ।ବର୍ତ୍ତମାନ ଯୋଡା ଟ୍ରକ୍ ମାଲିକ ସଂଘ ର ସମୟ ଅବଧି ଶେଷ ହେବାରୁ ପୁନଃ ନିର୍ବାଚନ କରା ଯିବା ପାଇଁ କିଛି ଟ୍ରକ୍ ମାଲିକ ଦାବି କରୁଛନ୍ତି ।ହେବାକୁ ଥିବା ନିର୍ବାଚନ ରେ ସଭାପତି ,ସମ୍ପାଦକ ପ୍ରଭୃତି ପଦବି ପାଇଁ ଛକା ପଞ୍ଝା ଜାରି ରହିଛି ।ଗୋଟିଏ ଗୋଷ୍ଠୀ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ କରିବା ସହିତ ବୈଧ ପଞ୍ଜୀକୃତ ସଦସ୍ୟ ତାଲିକା ପ୍ରସ୍ତୁତ କରୁଥିବା ବେଳେ ଅନ୍ୟ ଗୋଷ୍ଠୀ ଗୁରୁବାର ଅପରାହ୍ନ ପ୍ରାୟ ଦୁଇଟା ସମୟରେ ଯୋଡା ଟ୍ରକ୍ ମାଲିକ ସଂଘ କାର୍ଯ୍ୟାଳୟ ରେ ପଶି ସଭାପତି,ସମ୍ପାଦକ ଙ୍କ କୋଠରୀ ରେ ଲାଗିଥିବା ନାମ ଫଳକ କୁ ଚିରି ଦେବା ସହିତ ତାଲା ପକାଇ ଦେଇଥିଲେ ।ଏହାସହିତ ସଂଘ କାର୍ଯ୍ୟାଳୟ ର କର୍ମଚାରୀ ଙ୍କୁ ଡାକି ଧମକ ଦେଇ ସଂଘ ର ନିଜସ୍ଵ ହ୍ୱାଟସ ଆପ ଗ୍ରୁପ ରୁ ବର୍ତ୍ତମାନ ର ସଭାପତି ଓ ସମ୍ପାଦକ ଙ୍କୁ ସେଠାରୁ ରିମୁଭ କରି ଦେଇ ଥିଲେ ।ସଂଘ ର କୋଷାଧ୍ୟକ୍ଷ ରାଜେଶ୍ ରୋଷନ୍ କିଛି ଗୁରୁତ୍ଵପୂର୍ଣ୍ଣ କାଗଜପତ୍ର ସହିତ ରିଜୋଲୁସନ୍ ଖାତା କୁ ନେଇ ଯାଇଥିବା ଅଭିଯୋଗ ପତ୍ରରେ ଉଲ୍ଲେଖ ରହିଛି ।ଏଥି ସହିତ ଇମେଲ ମାଧ୍ୟମରେ ବିଭିନ୍ନ ପରିବହନ କାରୀ ସଂସ୍ଥା ଓ ଖଣି କମ୍ପାନୀ ମାନଙ୍କୁ ସଂଘ ର କାର୍ଯ୍ୟକାଳ ସମ୍ପର୍କରେ ସୂଚନା ଦେଇଥିବା ହେତୁ ସଂଘ ର ମର୍ଯ୍ୟାଦା କ୍ଷୂର୍ଣ୍ଣ ହୋଇଥିବା ଅଭିଯୋଗ ପତ୍ରରେ ଦର୍ଶା ଯାଇଛି । ଏ ନେଇ ଯୋଡା ଥାନା ଅଧିକାରୀ ପ୍ରଶାନ୍ତ କୁମାର ସାମଲ କହିଛନ୍ତି ଯେ,କେସ ନଂ ୧୭୩/୨୦୨୬ ରୁଜୁ କରାଯାଇଛି ଓ ତଦନ୍ତ ଚାଲିଛି ।୨୩ ଜଣ ଙ୍କ ନାମରେ ମାମଲା ରୁଜୁ ହୋଇଥିବା ସାମଲ ସୂଚନା ଦେଇଛନ୍ତି । ଏ ନେଇ ବର୍ତ୍ତମାନ ସଂଘ ର ସମ୍ପାଦକ ଦାୟିତ୍ୱରେ ଥିବା ସୁଶାନ୍ତ ବାରିକ କହିଛନ୍ତି ଯେ, ଅଗଣତାନ୍ତ୍ରିକ ପଦ୍ଧତିରେ ଅନ୍ୟ ଏକ ଗୋଷ୍ଠୀ ବିବାଦ କୁ ବଢ଼ାଉ ଅଛି ।ନିର୍ବାଚନ ର ପୂର୍ବ ପ୍ରସ୍ତୁତି ମୂତ।ବିକ ସଂଘ ପକ୍ଷରୁ ସଦସ୍ୟ ତାଲିକା ନବୀକରଣ କରାଯାଉଛି ।ପ୍ରଥମ ପର୍ଯ୍ୟାୟ ରେ ୨୪୦୦ ସଦସ୍ୟ ଙ୍କ ମଧ୍ୟରୁ ୧୯୦୦ ସଦସ୍ୟ ସେମାନଙ୍କ କାଗଜ ପତ୍ର ଦାଖଲ କରିଛନ୍ତି।ଆଉ ୫୦୦ ପଞ୍ଜୀକୃତ ସଦସ୍ୟ ଏ ପର୍ଯ୍ୟନ୍ତ ସେମାନଙ୍କ ର ଆବଶ୍ୟକୀୟ କାଗଜ ପତ୍ର ଦାଖଲ କରି ନାହାନ୍ତି । ଏଣୁ ସଂଘ ର ସାଧାରଣ ପରିଷଦ ବୈଠକ ହୋଇ ପ।ରି ନାହିଁ । ଅନ୍ୟ ଗୋଷ୍ଠୀ ପକ୍ଷରୁ ରବି ନାରାୟଣ ଦାସ କହିଛନ୍ତି ଯେ, ତା ୧୩/୦୩ /୨୦୨୬ ରିଖ ଠାରୁ ସଙ୍ଘ ର କାର୍ଯ୍ୟକାଳ ସରିବା ପରେ ସାମ୍ବିଧାନିକ ପଦ୍ଧତି ଅନୁଯାୟୀ ନିର୍ବାଚନ କରାଯିବା ଉଚିତ୍ ।ଯାହାକି ବର୍ତ୍ତମାନ ର କର୍ମକର୍ତ୍ତା ମାନେ ଆସନରେ ବସିଛନ୍ତି ।ଏହା ସଂଘ ବାଇ -ଲୋ ର ସମ୍ପୂର୍ଣ ଉଲଂଘନ କାର୍ଯ୍ୟ ଅଟେ ।ଦାସ କହିଥିଲେ ଯେ,ସଂଘ ରେ ତାଲା ପକାଇବା ଘଟଣା ସେ ଜାଣି ନ ଥିବା କଥା କହିଛନ୍ତି । ଏ ନେଇ କେନ୍ଦୁଝର ଅତିରିକ୍ତ ଜିଲାପାଳ ରବୀନ୍ଦ୍ର କୁମାର ପ୍ରଧାନ କହିଥିଲେ ଯେ,ଆମେ ନିର୍ବାଚନ ରେ କଣ କରିବୁ,ଏହା ଆପଣଙ୍କ ଅଞ୍ଚଳ ମାମଲା,ଆପଣ ମାନେ ବୁଝିବେ ।ଆମେ ନିର୍ବାଚନ କରିବାକୁ କେହି ନୁହେଁ ।
ସୂଚନା ଯୋଗ୍ୟ ଯେ,ସାଧାରଣ ନିର୍ବାଚନ ପରେ ଟ୍ରକ୍ ମାଲିକ ସଂଘ ନିର୍ବାଚନ ଅଞ୍ଚଳ କୁ ସରଗରମ କରିଥାଏ ।ଏହି ନିର୍ବାଚନ ଯେତେ ବିଳମ୍ବ ହେବ,ଏହାର ଫାଇଦା ଖଣି ଓ ଶିଳ୍ପ ସଂସ୍ଥା ଉଠାଇବେ ।ନିର୍ବାଚନ ପ୍ରକ୍ରିୟାରେ ବିଳମ୍ବ ହେଉଥିବାରୁ ଅଞ୍ଚଳରେ ଅଶାନ୍ତକର ପରିସ୍ଥିତି ସୃଷ୍ଟି ହେଲାଣି ।ଏହାକୁ ଆୟତ୍ତ କରା ନ ଗଲେ ଆଗାମୀ ଦିନରେ ଆଇନ ଶୃଙ୍ଖଳା ପରିସ୍ଥିତି ଉପୁଜି ସଂଘର୍ଷ ର ରୂପ ନେବାର ଆଶଙ୍କା ରହିଛି ।