ଗୁଗୁଲ ଉପରେ ୨.୯ ବିଲିୟନ ଡଲାର ଜରିମାନା ଲଗାଇଲା ୟୁରୋପ ଟେକ୍ କମ୍ପାନୀ , ଟ୍ରମ୍ପଙ୍କ ଧମକ

ୱାଶିଂଟନ,07।09: ୟୁରୋପ ଟେକ୍ କମ୍ପାନୀ ଗୁଗୁଲ ଉପରେ ୨.୯ ବିଲିୟନ ଡଲାର (ପ୍ରାୟ ୨୯ ହଜାର କୋଟି ଟଙ୍କା) ଜରିମାନା ଲଗାଇଛି। ୟୁରୋପୀୟ କମିଶନ ଗୁଗୁଲ ବିରୁଦ୍ଧରେ ଗମ୍ଭୀର ଅଭିଯୋଗ ଆଣିଛି। ଡିଜିଟାଲ୍ ବିଜ୍ଞାପନ ପ୍ରଯୁକ୍ତିବିଦ୍ୟାର ଅପବ୍ୟବହାର ପାଇଁ ୟୁରୋପୀୟ କମିଶନ ଗୁଗୁଲ୍ ଉପରେ ଏହି ଜରିମାନା ଲଗାଇଛି। ଅଭିଯୋଗ ହେଉଛି ଯେ ଗୁଗୁଲ୍ ତାର ସେବାକୁ ପ୍ରାଥମିକତା ଦେଇ ପ୍ରତିଯୋଗୀ ଏବଂ ଅନଲାଇନ୍ ପ୍ରକାଶକମାନଙ୍କ ସହିତ ଅନ୍ୟାୟ ଆଚରଣ କରେ ଏବଂ ବଜାରରେ ତାର କ୍ଷମତାର ଅପବ୍ୟବହାର କରେ। ଏହି ସମ୍ପୂର୍ଣ୍ଣ ମାମଲା ପୁଣି ଥରେ ଆମେରିକା ଏବଂ ୟୁରୋପ ମଧ୍ୟରେ ଟେକ୍ କମ୍ପାନୀଗୁଡ଼ିକୁ ନେଇ ଚାଲିଥିବା ବିବାଦକୁ ତେଜି ଦେଇଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏନେଇ କଠୋର ଆଭିମୁଖ୍ୟ ଗ୍ରହଣ କରି କରିଛନ୍ତି। ସେ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲରେ ଲେଖିଛନ୍ତି, ୟୁରୋପ ଦ୍ୱାରା ଗୁଗୁଲକୁ ୩.୫ ବିଲିୟନ ଡଲାର ଜରିମାନା ଆମେରିକୀୟ କମ୍ପାନୀ ଏବଂ ନିବେଶ ବିରୁଦ୍ଧରେ ଏକ ପକ୍ଷପାତପୂର୍ଣ୍ଣ କାର୍ଯ୍ୟାନୁଷ୍ଠାନସ ଓ ଆମେରିକୀୟ କରଦାତାଙ୍କ ପ୍ରତି ଅନ୍ୟାୟ। ଟ୍ରମ୍ପ କହିଛନ୍ତି ଯେ କମ୍ପାନୀକୁ ଜରିମାନା କରାଯାଇଛି ତାହା ସମ୍ପୂର୍ଣ୍ଣ ଭୁଲ ଏବଂ ସେ ଚେତାବନୀ ଦେଇଛନ୍ତି ଯେ ଯଦି ୟୁରୋପ ଏପରି କାର୍ଯ୍ୟ ବନ୍ଦ ନ କରେ, ତେବେ ତାଙ୍କ ସରକାର ଧାରା ୩୦୧ ଅନୁଯାୟୀ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ ଏବଂ ଅନ୍ୟାୟ ଜରିମାନାକୁ ଚ୍ୟାଲେଞ୍ଜ କରାଯିବ।