ଗୋହିରା ମଧ୍ୟମ ଜଳସେଚନ ପ୍ରକଳ୍ପର ଗୋଟିଏ ଗେଟ ଖୋଲିଲା

ଦେବଗଡ଼:ତିଲେଇବଣି ବ୍ଲକରେ ଥିବା ଗୋହିରା ଡ୍ୟାମର ବନ୍ୟାଜଳ ନିଷ୍କାସନ ପାଇଁ ଡ୍ୟାମ ପ୍ରଶାସନ ପକ୍ଷରୁ ଗୋଟିଏ ଗେଟ ଖୋଲାଯାଇଥିବା ସୂଚନା ମିଳିଅଛି।ଜିଲ୍ଲାରେ ଡ୍ୟାମର ଉପରମୁଣ୍ଡରେ ଲଗାଣ ବର୍ଷା ଲାଗିରହିଥିବାବେଳେ ଡ୍ୟାମରେ ଜଳସ୍ତର ବୃଦ୍ଧି ପାଇଥିଲା । ଡ୍ୟାମରେ ଜଳଧାରଣାର କ୍ଷମତା ୨୩୫.୫୦ ମିଟର ଥିବାବେଳେ ବର୍ତ୍ତମାନ ଡ୍ୟାମରେ ଜଳସ୍ତର ୨୩୫.୪୦କୁ ଛୁଇଁଥିଲା।ଯାହା ଫଳରେ ଆଜି ଡ୍ୟା‌ମରେ ଥିବା ଗୋଟିଏ ଖୋଲାଯାଇ ବର୍ଷା ଜଳ ନିଷ୍କାସନ କରାଯାଇଛି।ବନ୍ୟାଜଳ ନିଷ୍କାସନ ସମୟରେ ସତର୍କତା ଅବଲମ୍ବନ କରିବା ନିମନ୍ତେ ଡ୍ୟାମ ପ୍ରଶାସନ ତରଫରୁ ସମସ୍ତ ଜନସାଧାରଣଙ୍କୁ ଅନୁରୋଧ କରାଯାଇଅଛି।