Garvita Odia
ନୂଆଦିଲ୍ଲୀ:ନିଟ୍ ୟୁଜି-୨୦୨୬ ପରୀକ୍ଷାରେ ଅନିୟମିତତା ଓ ପେପର ଲିକ୍ ଘଟଣାରେ କେନ୍ଦ୍ରୀୟ ତଦନ୍ତ ବ୍ୟୁରୋ (CBI) ୫ ଗିରଫ କରିଛି। ଘଟଣାରେ ସମ୍ପୃକ୍ତ ରହିଥିବା ବ୍ୟକ୍ତିଙ୍କୁ ଗିରଫ କରିବା ଲାଗି ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ସିବିଆଇ। ଚଢ଼ାଉ ସମୟରେ ସମୟରେ ମୋବାଇଲ୍ ଫୋନ୍ ସମେତ ଅପରାଧିକ ସାମଗ୍ରୀ ଏବଂ ଇଲେକ୍ଟ୍ରୋନିକ୍ ଉପକରଣ ଜବତ କରିଛି।ତଦନ୍ତ ସମୟରେ ମିଳିଥିବା ସୁରାକକୁ ଆଧାର କରି ଅଧିକ ସନ୍ଧାନ ଜାରି ରଖିଛି ସିବିଆଇ। ଏହି ଚେର ଆନ୍ତ-ରାଜ୍ୟକୁ ବ୍ୟାପିଥିବା ଲିଙ୍କ ରହିଥିବା ସିବିଆଇ ସୁରାକ ପାଇଛି।
ଲିକ ଘଟଣାରେ ମେ ୧୨ ତାରିଖରେ ଏକ ମାମଲା ରୁଜୁ ହୋଇଥିଲା।ଅପରାଧିକ ଷଡ଼ଯନ୍ତ୍ର, ଠକେଇ, ଅପରାଧିକ ବିଶ୍ୱାସ ଭଙ୍ଗ, ଭାରତୀୟ ନ୍ୟାୟ ସଂହିତା (BNS) ର ବ୍ୟବସ୍ଥା, ଦୁର୍ନୀତି ନିବାରଣ ଆଇନ ଏବଂ ସାର୍ବଜନୀନ ପରୀକ୍ଷା (ଅନ୍ୟାୟ ନିବାରଣ) ଆଇନ ଭଳି ମାମଲା ରୁଜୁ କରାଯାଇଛି। ଜୟପୁରରୁ ତିନି ଜଣ, ଗୁରୁଗ୍ରାମରୁ ଜଣେ ଏବଂ ନାସିକରୁ ଜଣେ। ଚଳିତ ବର୍ଷର ନିଟ ୟୁଜି ପ୍ରଶ୍ନପତ୍ର ଗୁରୁଗ୍ରାମର ଜଣେ ଡାକ୍ତରଙ୍କ ଠାରୁ ୩୦ ଲକ୍ଷ ଟଙ୍କାରେ କିଣିଥିଲେ।ମେ’ ୩ରେ ପରୀକ୍ଷା ହେବାକୁ ଥିବା ବେଳେ ଏପ୍ରିଲ ୨୬ରେ ସେମାନଙ୍କୁ ମିଳିଥିଲା ପ୍ରଶ୍ନପତ୍ର।
ଦୁଇ ଭାଇଙ୍କ ମଧ୍ୟରୁ ଜଣେ ଲିକ ପ୍ରଶ୍ନପତ୍ରକୁ ସିକାର ଡାକ୍ତରୀ ପ୍ରବେଶିକା ପରୀକ୍ଷା ପାଇଁ ପ୍ରସ୍ତୁତ ହେଉଥିବା ନିଜ ପୁଅଙ୍କୁ ଦେଇଥିଲେ। ଏହାପରେ ଏପ୍ରିଲ ୨୯ରେ ଅନ୍ୟମାନଙ୍କୁ ବିକ୍ରି କରିଥିଲେ। ଜାମୱା ରାମଗଡ଼ ଠାରୁ ସିକାର ଦୂରତା ପ୍ରାୟ ଅଢ଼େଇ ଘଣ୍ଟା। ଚଳିତ ବର୍ଷ ପ୍ରଶ୍ନପତ୍ର ଲିକର ପେଣ୍ଠସ୍ଥଳ ହେଉଛି ସିକାର। ପ୍ରଶ୍ନପତ୍ର ଲିଙ୍କର ମୂଳରେ ଗୁରୁଗ୍ରାମର ଜଣେ ଡାକ୍ତର ରହିଛନ୍ତି। ଏହାପୂର୍ବରୁ ରାଜସ୍ଥାନ ପୁଲିସ କହିଥିଲା ଯେ ନାଶିକ ଥିବା ପ୍ରିଣ୍ଟିଂ ପ୍ରେସରୁ ହିଁ ପ୍ରଥମେ ପ୍ରଶ୍ନପତ୍ର ଲିକ ହୋଇଛି। ସେଠାରୁ ଗୋଟିଏ ଚେନ ନେଟୱର୍କ ଜରିଆରେ ଏହା ଗୁରୁଗ୍ରାମ ଡାକ୍ତରଙ୍କ ପାଖରେ ପହଞ୍ଚିଥିଲା। ସେହି ଡାକ୍ତରଙ୍କ ଠାରୁ ଦୁଇ ଭାଇ ପ୍ରଶ୍ନପତ୍ର କିଣିବା ପରେ ନିଜର ପରିବାର ଲୋକ ଓ ଅନ୍ୟ ନିଟ ଆଶାୟୀଙ୍କୁ ଦେଇଥିଲେ।
