ନିମାପଡାରେ ପ୍ରେରଣା ଦିବସ ପାଳନ

ନିମାପଡ଼ାରୁ ବସନ୍ତ ନାୟକ : ନିମାପଡାର ଗାନ୍ଧୀ ତଥା ବିଶିଷ୍ଟ ସ୍ୱାଧୀନତା ସଂଗ୍ରାମୀ ପଦ୍ମଶ୍ରୀ ସ୍ୱର୍ଗତ ଭବାନୀ ଚରଣ ପଟ୍ଟନାୟକ ଙ୍କ ଶ୍ରାଦ୍ଧ ଦିବସକୁ ନିମାପଡ଼ା ରେ ପ୍ରେରଣା ଦିବସ ଭାବେ ପାଳନ କରାଯାଇ ଆସୁଛି। ସ୍ୱର୍ଗତ ଭବାନୀ ଚରଣ ପଟ୍ଟନାୟକ ଙ୍କ ଷଷ୍ଠ ଶ୍ରାଦ୍ଧ ଦିବସ ଅବସରରେ ପ୍ରେରଣା ଦିବସ ଆଜି ସଂନ୍ଧ୍ୟାରେ ନିମାପଡ଼ା ସହିଦ୍ ସଂସଦ ଭବନ ପରିସରରେ ପାଳିତ ହୋଇଯାଇଛି । ସହିଦ୍ ସ୍ମୃତି ସଂସଦର ସଭାପତି ତଥା ପୂର୍ବତନ ମନ୍ତ୍ରୀ ସମୀର ରଞ୍ଜନ ଦାଶଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ପ୍ରଫେସର ଦାସ ବେନହୁର, ସହିଦ୍ ସ୍ମୃତି ସଂସଦର ସମ୍ପାଦକ ଡଃ. ବେଣୁଧର ସେନାପତି ପ୍ରମୁଖ ଯୋଗଦେଇ ପଦ୍ମଶ୍ରୀ ଭବାନୀ ବାବୁ ଜଣେ ଦେଶ ମାତୃକାର ସେବାକାରୀ ଥିଲେ। ତାଙ୍କ ନିଷ୍ଠା ଓ ତ୍ୟାଗକୁ କେବେ ଭୁଲି ହେବନି ବୋଲି ଉପସ୍ଥିତ ବକ୍ତା ମାନେ କହିବା ସହିତ ତାଙ୍କ ଜୀବନୀ ଉପରେ ଆଲୋପାତ କରିଥିଲେ। ଏହି ଅବସରରେ ଗୋପ ଅଞ୍ଚଳର ସ୍ୱେଚ୍ଛାସେବୀ ସଂଗଠନ ଉତ୍ସର୍ଗ କୁ ପ୍ରଥମ ଭବାନୀ ସେବା ସମ୍ମାନ ପ୍ରଦାନ କରାଯାଇଥିଲା । ସେହିପରି ଚିତ୍ରାଙ୍କନ ପ୍ରତିଯୋଗିତା ରେ ଭାଗ ନେଇ କୃତିତ୍ୱ ହାସଲ କରିଥିବା ୭ଜଣ ଛାତ୍ର ଛାତ୍ରୀ ଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା । ଶେଷରେ ସହିଦ୍ ସ୍ମୃତି ସଂସଦର ସଭ୍ୟ ଜୀବନା ନନ୍ଦ ମାହାପାତ୍ର ଧନ୍ୟବାଦ ଅର୍ପଣ କରିଥିଲେ। ଏଥିରେ ବିଶିଷ୍ଟ ବ୍ୟକ୍ତି, ବୁଦ୍ଧିଜୀବୀ, ଶିକ୍ଷାବିତ୍, ରାଜନେତା, ଛାତ୍ର ଛାତ୍ରୀ ଓ ବହୁ ସଂଖ୍ୟାରେ ଭବାନୀ ବାବୁ ପ୍ରେମୀ ଉପସ୍ଥିତ ଥିଲେ।