ପୁଣି ଆରମ୍ଭ ହୋଇଛି ଯୁଦ୍ଧ

ୱାଶିଂଟନ : ପୁଣି ଅଶାନ୍ତ ହେଲା ମଧ୍ୟପ୍ରାଚ୍ୟ। କିଛି ଦିନର ବ୍ୟବଧାନ ପରେ ପୁଣି ଆରମ୍ଭ ହୋଇଛି ଯୁଦ୍ଧ। ଅମାନିଆ ଆମେରିକା ଓ ଇରାନଙ୍କ ମଧ୍ୟରେ ଦେଖାଦେଇଛି ଅପ୍ରୀତିକର ପରିସ୍ଥିତି।
ମଧ୍ୟପ୍ରାଚ୍ୟରେ ପ୍ରାୟ ଦୁଇ ମାସର ଶାନ୍ତି ଶେଷ ହୋଇଛି। ଇରାନର କ୍ୱେଶମ୍ ଦ୍ୱୀପରେ ଆମେରିକାର ଆକ୍ରମଣ ପରେ, ଇରାନ କୁୱେତ ଏବଂ ବାହାରିନରେ ଥିବା ଆମେରିକୀୟ ଘାଟି ଉପରେ କ୍ଷେପଣାସ୍ତ୍ର ମାଡ଼ କରି ପ୍ରତିଶୋଧ ନେଇଛି। ଆମେରିକାର କେନ୍ଦ୍ରୀୟ କମାଣ୍ଡ ମଧ୍ୟ ଆକାଶରେ ଅନେକ କ୍ଷେପଣାସ୍ତ୍ର ଏବଂ ଡ୍ରୋନକୁ ଖସାଇ ଦେଇଥିବା ଦାବି କରିଛି।

ମଧ୍ୟପ୍ରାଚ୍ୟରେ ଏପ୍ରିଲ ୭ ତାରିଖରୁ ଯେଉଁ ନୀରବତା ରହିଥିଲା ତାହା ଶେଷରେ ଭାଙ୍ଗିଛି। ଇରାନ ଏବଂ ଆମେରିକା ମଧ୍ୟରେ ସିଧାସଳଖ ସାମରିକ ମୁହାଁମୁହିଁ ପରିସ୍ଥିତି ପୁଣି ଥରେ ସୃଷ୍ଟି ହୋଇଛି, ଯାହା ସମଗ୍ର ଅଞ୍ଚଳର ଆକାଶକୁ କ୍ଷେପଣାସ୍ତ୍ର ଏବଂ ଡ୍ରୋନର ଶବ୍ଦରେ ପରିପୂର୍ଣ୍ଣ କରିଦେଇଛି। ଏହି ସଦ୍ୟତମ ସାମରିକ କାର୍ୟ୍ୟାନୁଷ୍ଠାନ ଉପସାଗରୀୟ ଦେଶଗୁଡ଼ିକରେ ଯୁଦ୍ଧର ଆଶଙ୍କା ବୃଦ୍ଧି କରିଛି। ଇରାନର କ୍ୱେଶମ୍ ଦ୍ୱୀପରେ ବିସ୍ଫୋରଣ ସହିତ ଉତ୍ତେଜନା ଆରମ୍ଭ ହୋଇଥିଲା।