Garvita Odia
ଭୁବନେଶ୍ୱର: ସୁନ୍ଦରଗଡ଼ର ବିଜେପି ଆଦିବାସୀ ନେତ୍ରୀ ପୂର୍ଣ୍ଣିମା କେରକେଟାଙ୍କୁ ମିଳିପାରେ ରାଜ୍ୟସଭା ଟିକେଟ୍ । ଜଣେ ତୃଣମୂଳସ୍ତରର ନେତ୍ରୀ ଭାବେ ତାଙ୍କର ପରିଚୟ ରହିଛି । ସମାଜସେବା ପାଇଁ ମଧ୍ୟ ସେ ପରିଚିତ । ଜଣେ ଆଦିବାସୀ ଚେହେରାଙ୍କୁ ଦଳ ରାଜ୍ୟସଭା ପ୍ରାର୍ଥୀ କରିବାକୁ ଚୂଡ଼ାନ୍ତ କରିସାରିଛି ବୋଲି ଆଲୋଚନା ହେଉଛି । ଆରଆଇଟିଇଏସ୍ ବୋର୍ଡରୁ ଇସ୍ତଫା ଏହି ଆଲୋଚନାକୁ ଖୋରାକ୍ ଯୋଗାଇଛି ।
ଗତ ୨୪ ତାରିଖରେ ସେ ରେଲ ଇଣ୍ଡିଆ ଟେକ୍ନିକାଲ ଆଣ୍ଡ ଇକୋନୋମିକ୍ ସର୍ଭିସ୍ (ଆରଆଇଟିଇଏସ୍) ବୋର୍ଡରୁ ଇସ୍ତଫା ଦେଇଛନ୍ତି । ଏହି ବୋର୍ଡରେ ସେ ଅଣସରକାରୀ ନିର୍ଦ୍ଦେଶକ ଭାବେ କାର୍ୟ୍ୟ କରୁଥିଲେ । ଗତ ଜୁଲାଇ ମାସରେ ରେଳ ବିଭାଗ ତାଙ୍କୁ ଏହି ନିଯୁକ୍ତି ଦେଇଥିଲା । ତେବେ ୨୪ ତାରିଖରେ ସେ ଇସ୍ତଫା ଦେବା ପରେ ୨୫ ତାରିଖରେ ତାଙ୍କ ଇସ୍ତଫା ମଞ୍ଜୁର ହୋଇଯାଇଛି । ସେ ରାଜ୍ୟସଭାକୁ ଯାଉଥିବା ଏହା ସଙ୍କେତ ଦେଉଛି ବୋଲି କିଛି ନେତା କହିଛନ୍ତି ।
