Garvita Odia
ଦେବଗଡ: ଦେବଗଡ ଜିଲ୍ଲାରେ ବିଭିନ୍ନ ସ୍ଥାନରେ ବଜ୍ରପାତରେ ୩ ଜଣଙ୍କ ମୃତ୍ୟୁ ଘଟିଥିବା ବେଳେ ୫ ଜଣ ଗୁରୁତର ଆହତ ହୋଇଥିବା ଜଣା ପଡିଛି। ମୃତକ ହେଲେ ବସାଲଇ ପଞ୍ଚାୟତର କଟାସାହିର ଡ଼ୋଲାମଣୀ ପେଣ୍ଢେଇ,ପିଟା ସାହିର ବୁବୁନ ସାମଲ,ପୌରାଞ୍ଚଳର ମିରଗିଡିଆ ସାହିର ରାଜା କାଣ୍ଡୁଳାନା। ସୂଚନା ଅନୁଯାୟୀ,୩ଟି ବାଇକରେ ଡ଼ୋଲାମଣୀ ଓ ବୁବୁନ ଏବଂ ଆଉ ୪ ଜଣ ଯୁବକ ଭାଟସିଂ ଗ୍ରାମକୁ ଯାଇଥିଲେ।ବାଇକରେ ଆସୁଥିବା ବେଳେ ବଜ୍ରାପାତ ଯୋଗୁଁ ଭାଟସିଂ ନିକଟରେ ବାଇକ ଟି ଜଳି ଯାଇଥିଲା । ବାଇକ୍ ରେ ଥିବା ଡ଼ୋଲାମଣୀ ଓ ବୁବୁନଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ଆହତ ହୋଇଥିବା ୪ ଜଣ କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।ସେହିପରି ପତ୍ରାପାଲି ସାହିର ରାଜା ଓ ତାଙ୍କ ସ୍ତ୍ରୀ ବର୍ଷା କାଣ୍ଡୁଲାନା ଘରେ ଥିବା ବେଳେ ବଜ୍ରପାତ ଯୋଗୁଁ ରାଜାର ମୃତ୍ୟୁ ଘଟିଥିବା ବେଳେ ତାଙ୍କ ସ୍ତ୍ରୀ ବର୍ଷା ଗୁରୁତର ଆହତ ହୋଇଥିଲେ। ଜିଲ୍ଲା ମୁଖ୍ୟ ଚିକିତ୍ସାଳୟରେ ବର୍ଷା ଙ୍କ ଚିକିତ୍ସା ଜାରି ରହିଛି।
