ବାରକୋଟ ଥାନା ପୁଲିସ ପକ୍ଷରୁ ସଚେତନତା କାର୍ଯ୍ୟକ୍ରମ

ଦେବଗଡ଼:ବାରକୋଟ ଥାନା ପୁଲିସ ପକ୍ଷରୁ ଆଜି ଆମ୍ବକଟା ଗ୍ରାମରେ ଥିବା ସରକାରୀ ଆଇଟିଆଇ ପରିସରରେ ନିଶାମୁକ୍ତ ଗଠନ ଓ ସାଇବର କ୍ରାଇମ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ବାରକୋଟ ଥାନା ଅଧିକାରୀ ସୁଶାନ୍ତ ବଢ଼େଇଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଏସଆଇ ସନାତନ ନାୟକ,ଏଏସଆଇ ଅଞ୍ଜୁଲତା ନାଏକ,ଆଇଟିଆଇର ଅଧ୍ୟକ୍ଷ ସୁରେଶ ଚନ୍ଦ୍ର ସାମସି,ଡେପୁଟି ଟ୍ରେନିଂ ଅଫିସର ବିକାଶ ରଞ୍ଜନ ଦର୍ଜୀ,ହେନାମାଳିନୀ ମହନ୍ତ ଓ ମଣ୍ଟୁ ନାଗବଂଶୀ ପ୍ରମୁଖ ମଞ୍ଚାସିନ ରହି ଉପସ୍ଥିତ ଛାତ୍ରଛାତ୍ରୀଙ୍କୁ ନିଶା ର ଭୟାବହତା ଓ କୁ ପରିଣାମ ସମ୍ପର୍କରେ ସଚେତନ କରିଥିଲେ। ସେହିପରି ଭାବେ ପୁଲିସ ଅଧିକାରୀମାନେ ଆମ୍ବଗାଁ ନୋଡାଲ ସ୍କୁଲରେ ମଧ୍ୟ ନିଶାମୁକ୍ତ ସମାଜ ଓ ନିଶାମୁକ୍ତ ଓଡିଶା ଗଠନ ପାଇଁ ନିଶାଠାରୁ ଦୁରେଇ ରହିବାକୁ ଛାତ୍ରଛାତ୍ରୀ ମାନଙ୍କୁ ଶପଥ ପାଠ କରାଇଥିଲେ।