ବ୍ୟବସାୟୀ ଅପହରଣ ମାମଲା, ମହିଳା ଏସଆଇ ଅଟକ

ବଲାଙ୍ଗିର: ବ୍ୟବସାୟୀ ନରେନ୍ଦ୍ର ସାହୁ ଅପହରଣ ମାମଲାରେ ନୂଆ ଟ୍ବିଷ୍ଟ। ଘଟଣା ପଛରେ ସାମନାକୁ ଆସିଲା ପୋଲିସର ସମ୍ପୃକ୍ତି। ମହିଳା ଏସଆଇ ସ୍ନେହାମଞ୍ଜରୀ ସାହୁ ଅଟକ। ଏସଆଇ ଅଟକ ଥିବା ନେଇ ବଲାଙ୍ଗିର ପୋଲିସ ପକ୍ଷରୁ ସୂଚନା ମିଳିଛି। ମହିଳା ଏସଆଇ ହେଉଛନ୍ତି ଅପହରଣର ମାଷ୍ଟରମାଇଣ୍ଡ କୁହାଯାଉଥିବା କ୍ଷିତୀଶ ସାହୁର ଭଉଣୀ।

ପୂର୍ବରୁ କ୍ଷୀତିଶ ସାହୁକୁ ଗିରଫ କରିସାରିଛି ପୋଲିସ। ମାମଲାରେ ଆଉ କିଛି ଲୋକଙ୍କୁ ମଧ୍ୟ ଅଟକ ରଖିଛି ପୋଲିସ। ମହିଳା ଏସଆଇଙ୍କ ସହ ସଞ୍ଜୟ ଜେନା ଅଟକ ଥିବା ସୂଚନା ମିଳିଛି। ଆଜି କୋର୍ଟ ଚାଲାଣ ହେବେ ଅଭିଯୁକ୍ତ କ୍ଷୀତିଶ ସାହୁ ଓ ସଞ୍ଜିତ ବେହେରା।

ହନୁମାନ ଟଙ୍କା ପାଇଁ ମୋଟା ଅଙ୍କର ଟଙ୍କା କାରାବାରକୁ ନେଇ ଏହି ଅପହରଣ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି। ବଲାଙ୍ଗିରର ଜଣାଶୁଣା ବ୍ୟବସାୟୀ ନରେନ୍ଦ୍ର ସାହୁ। ଗତ ୧୪ ତାରିଖ ଅପରାହ୍ଣରେ ତାଙ୍କୁ ଅପହରଣ କରାଯାଇଥିବା ଅଭିଯୋଗ ହୋଇଥିଲା। ଭୁବନେଶ୍ବର ସ୍ପେଶାଲ ସ୍କ୍ବାଡ୍ ସହାୟତାରେ ଖଣ୍ଡଗିରି ଅଞ୍ଚଳରୁ ଉଦ୍ଧାର ହୋଇଥିଲେ ନରେନ୍ଦ୍ର।