Garvita Odia
ଭୁବନେଶ୍ୱର: ମେଡିଅଙ୍କର୍ସ ମଲ୍ଟି ସ୍ପେସିଆଲିଟି କ୍ଲିନିକ୍, ଓଡ଼ିଶାର ପ୍ରଥମ “କ୍ଲିନିକ୍ ସେୟାର୍ ମଡେଲ୍” ର ଶୁଭ ଉଦ୍ଘାଟନ ରବିବାର ଭୁବନେଶ୍ୱରରେ ସମ୍ପନ୍ନ ହୋଇଛି। ଏହା ମାଧ୍ୟମରେ ଏକାଧିକ ବିଶେଷଜ୍ଞ ଡାକ୍ତରଙ୍କ ସେବାକୁ ଗୋଟିଏ ଛାତ ତଳେ ସୁଲଭ ଓ ସମନ୍ୱିତ ଭାବେ ରୋଗୀଙ୍କ ନିକଟରେ ପହଞ୍ଚାଇବାର ଏକ ନୂଆ ପଦକ୍ଷେପ ଆରମ୍ଭ ହୋଇଛି।
ଏହି ଉଦ୍ଘାଟନୀ ସମାରୋହରେ ଭୁବନେଶ୍ୱର ମହାନଗର ନିଗମର କର୍ପୋରେଟର ଶ୍ରୀମତୀ ପ୍ରୀତିନନ୍ଦା ରାଉତରାୟ ମୁଖ୍ୟ ଅତିଥି ଭାବେ ଯୋଗଦେଇ କ୍ଲିନିକ୍ର ଉଦ୍ଘାଟନ କରିଥିଲେ। ସେ ଏହି ପଦକ୍ଷେପକୁ ପ୍ରଶଂସା କରିବା ସହ ସମାଜଭିତ୍ତିକ ସ୍ୱାସ୍ଥ୍ୟସେବା, ପ୍ରତିଷେଧକ ଚିକିତ୍ସା ଏବଂ ୱାର୍ଡ ସ୍ତରରେ ନିୟମିତ ସ୍ୱାସ୍ଥ୍ୟ ଶିବିରର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ।
ଏହି ଅବସରରେ ମେଡିଅଙ୍କର୍ସ ପକ୍ଷରୁ ଓଡ଼ିଶାର ପ୍ରଥମ “କ୍ଲିନିକ୍ ସେୟାର୍ ମଡେଲ୍”ର ପରିକଳ୍ପନା ଉପସ୍ଥାପନ କରାଯାଇଥିଲା। ଏହା ଏକ ଅଭିନବ ସ୍ୱାସ୍ଥ୍ୟସେବା ମଡେଲ୍, ଯାହା ମାଧ୍ୟମରେ ବିଭିନ୍ନ ବିଶେଷଜ୍ଞ ଡାକ୍ତରମାନେ ଗୋଟିଏ ସୁସଜ୍ଜିତ କ୍ଲିନିକ୍ରୁ ଚିକିତ୍ସା ସେବା ପ୍ରଦାନ କରିପାରିବେ। ଏହି ବ୍ୟବସ୍ଥା ରୋଗୀଙ୍କୁ ଗୁଣାତ୍ମକ ଚିକିତ୍ସା ସେବା ସୁଲଭ ମୂଲ୍ୟରେ ଉପଲବ୍ଧ କରାଇବା ସହ ଡାକ୍ତରମାନଙ୍କ ପାଇଁ ମଧ୍ୟ ଏକ ଦକ୍ଷ ଓ ସୁବିଧାଜନକ ପ୍ଲାଟଫର୍ମ ସୃଷ୍ଟି କରିବ।କ୍ଲିନିକ୍ ପକ୍ଷରୁ Daaktar.comକୁ ଟେକ୍ନୋଲୋଜି ଓ ଅପରେସନ୍ ପାର୍ଟନର ଏବଂ Sun Diagnostic Centreକୁ ଡାୟାଗ୍ନୋଷ୍ଟିକ୍ ପାର୍ଟନର ଭାବେ ପରିଚୟ କରାଯାଇଥିଲା। ଏହା ମାଧ୍ୟମରେ ରୋଗୀମାନେ ଗୋଟିଏ ସ୍ଥାନରେ ପରାମର୍ଶ, ଡାୟାଗ୍ନୋଷ୍ଟିକ୍ ସେବା ଏବଂ ଡିଜିଟାଲ୍ ସ୍ୱାସ୍ଥ୍ୟ ସୁବିଧା ପାଇପାରିବେ।ଏହି ଅବସରରେ ମେଜର ଜେନେରାଲ୍ (ଅବ.) ପ୍ରଫେସର ଡ଼. ପି. କେ. ପଟ୍ଟନାୟକ, ବରିଷ୍ଠ ଗ୍ୟାଷ୍ଟ୍ରୋ ସର୍ଜରୀ ବିଶେଷଜ୍ଞ ଏବଂ ମେଡିଅଙ୍କର୍ସର ବିଶେଷ ପରାମର୍ଶଦାତା, ନିୟମିତ ସ୍ୱାସ୍ଥ୍ୟ ପରୀକ୍ଷା, ପ୍ରତିଷେଧକ ଚିକିତ୍ସା ଏବଂ ରୋଗର ପ୍ରାରମ୍ଭିକ ଚିହ୍ନଟର ଗୁରୁତ୍ୱ ଉପରେ ବିସ୍ତୃତ ଆଲୋଚନା କରିଥିଲେ।
କାର୍ଯ୍ୟକ୍ରମର ଅନ୍ୟତମ ଆକର୍ଷଣ ଥିଲା କ୍ଲିନିକ୍ର ବହୁମୁଖୀ ବିଶେଷଜ୍ଞ ଡାକ୍ତର ଦଳର ପରିଚୟ ଓ ସମ୍ବର୍ଦ୍ଧନା। ଗ୍ୟାଷ୍ଟ୍ରୋ ସର୍ଜରୀ, ଡାଇବେଟୋଲୋଜି, ପଲ୍ମୋନୋଲୋଜି, ଶିଶୁରୋଗ, ପରିବାର ଚିକିତ୍ସା, କସ୍ମେଟିକ୍ ଡେଣ୍ଟିଷ୍ଟ୍ରି, ଓରାଲ୍ ଅଙ୍କୋଲୋଜି, ଆୟୁର୍ବେଦ, କାଉନସେଲିଂ ସହ ବିଭିନ୍ନ ବିଭାଗର ବିଶେଷଜ୍ଞ ଡାକ୍ତରମାନଙ୍କୁ ସାଧାରଣ ଲୋକଙ୍କ ସହ ପରିଚିତ କରାଯାଇଥିଲା ଏବଂ ସେମାନଙ୍କ ସାପ୍ତାହିକ ଚିକିତ୍ସା ସମୟସୂଚୀ ଘୋଷଣା କରାଯାଇଥିଲା।ଉଦ୍ଘାଟନ ପରେ ଉପସ୍ଥିତ ଲୋକମାନେ ବିଶେଷଜ୍ଞ ଡାକ୍ତରମାନଙ୍କ ସହ ସିଧାସଳଖ ଆଲୋଚନା କରିବା ସହ ମାଗଣା ସ୍ୱାସ୍ଥ୍ୟ ପରାମର୍ଶ ଏବଂ ପ୍ରାଥମିକ ଡାୟାଗ୍ନୋଷ୍ଟିକ୍ ସେବାର ସୁବିଧା ନେଇଥିଲେ। ଏହା ସହ ଭବିଷ୍ୟତରେ ବିଭିନ୍ନ ସ୍ୱାସ୍ଥ୍ୟ ଶିବିର ଏବଂ ନିଶୁଳ୍କ ରକ୍ତ ପରୀକ୍ଷା କାର୍ଯ୍ୟକ୍ରମ ଆୟୋଜନ କରାଯିବ ବୋଲି କ୍ଲିନିକ୍ ପକ୍ଷରୁ ଘୋଷଣା କରାଯାଇଥିଲା।ମେଡିଅଙ୍କର୍ସ ପରିଚାଳନା ପକ୍ଷରୁ କୁହାଯାଇଥିଲା ଯେ, ନୈତିକ, ପ୍ରଯୁକ୍ତିନିର୍ଭର ଏବଂ ରୋଗୀକେନ୍ଦ୍ରିକ ସ୍ୱାସ୍ଥ୍ୟସେବା ପ୍ରଦାନ ମାଧ୍ୟମରେ ଓଡ଼ିଶାରେ ଏକ ନୂତନ ସ୍ୱାସ୍ଥ୍ୟସେବା ବ୍ୟବସ୍ଥା ଗଢ଼ି ତୋଳିବା ହେଉଛି ସଂସ୍ଥାର ଲକ୍ଷ୍ୟ।ଶେଷରେ ଧନ୍ୟବାଦ ଜ୍ଞାପନ ଓ ହାଇ-ଟି ସହ କାର୍ଯ୍ୟକ୍ରମର ସମାପନ ହୋଇଥିଲା। ସଫଳ ଆୟୋଜନ ପାଇଁ ସମସ୍ତ ଅତିଥି, ବିଶେଷଜ୍ଞ ଡାକ୍ତର, ସହଯୋଗୀ ସଂସ୍ଥା, ସ୍ୱେଚ୍ଛାସେବୀ ଏବଂ ଉପସ୍ଥିତ ଜନସାଧାରଣଙ୍କୁ ମେଡିଅଙ୍କର୍ସ ପକ୍ଷରୁ କୃତଜ୍ଞତା ଜଣାଯାଇଥିଲେ ଏହାର ପରିଚାଳନା ନିର୍ଦ୍ଦେଶକ ରିତୁରାଜ ସାମନ୍ତରାୟ ।
ମେଡିଅଙ୍କର୍ସ ମଲ୍ଟି ସ୍ପେସିଆଲିଟି କ୍ଲିନିକ୍, ଓଡ଼ିଶାର ପ୍ରଥମ “କ୍ଲିନିକ୍ ସେୟାର୍ ମଡେଲ୍”, ଏକ ବହୁ-ବିଶେଷଜ୍ଞ ସ୍ୱାସ୍ଥ୍ୟସେବା କେନ୍ଦ୍ର, ଯାହା ଅଭିଜ୍ଞ ବିଶେଷଜ୍ଞ ଡାକ୍ତରମାନଙ୍କୁ ଗୋଟିଏ ଛାତ ତଳେ ଏକତ୍ର କରି ସମନ୍ୱିତ ଚିକିତ୍ସା ସେବା ପ୍ରଦାନ କରୁଛି। ଆଧୁନିକ ଭିତ୍ତିଭୂମି, ଡିଜିଟାଲ୍ ସ୍ୱାସ୍ଥ୍ୟ ବ୍ୟବସ୍ଥା, ଡାୟାଗ୍ନୋଷ୍ଟିକ୍ ସୁବିଧା ଏବଂ ରୋଗୀକେନ୍ଦ୍ରିକ ସେବା ମାଧ୍ୟମରେ ଓଡ଼ିଶାର ପ୍ରତ୍ୟେକ ପରିବାରଙ୍କୁ ଗୁଣାତ୍ମକ, ସୁଲଭ ଏବଂ ସୁବିଧାଜନକ ସ୍ୱାସ୍ଥ୍ୟସେବା ପ୍ରଦାନ କରିବା ଏହାର ମୂଳ ଉଦ୍ଦେଶ୍ୟ।
