ମହିଳାଙ୍କୁ ଦଳି ଦେଲା ଦନ୍ତା

ଆନନ୍ଦପୁର: ଆଜି ସକାଳୁ ଆନନ୍ଦପୁର ସିନେମା ହଲ ନିକଟରେ ଥିବା ଆମ୍ବ ତୋଟାରେ ଜଣେ ମହିଳାଙ୍କୁ ଦନ୍ତା ଦଳି ମାରି ଦେଇଥିବା ବେଳେ ଦୁଇଟି ସାଇକଲ ଭାଙ୍ଗି ଦେଇଛି l ମୃତ ମହିଳା ଫକୀରପୁରର ମଞ୍ଜୁ ନାଥ (୫୫)। ଆଜି ସକାଳୁ ସକାଳୁ ଆନନ୍ଦପୁର ଅଞ୍ଚଳରେ ହାତୀର ଉପସ୍ଥିତି ନେଇ ସ୍ଥାନୀୟ ଅଞ୍ଚଳରେ ଆତଙ୍କ ଖେଳି ଯାଇଛି ।
ଏହି ଦନ୍ତା ହାତୀଟି ଆଜି ସକାଳେ ପ୍ରଥମେ ଆନନ୍ଦପୁର କଲେଜ ପଛପାଖ ଆମ୍ବତୋଟା ନିକଟରେ ଦେଖିବାକୁ ମିଳିଥିଲା । ଲୋକେହାତୀକୁ ଦେଖିବାପରେ ହୋହଲ୍ଲା କରିବା ଆରମ୍ଭ କରିଥିଲେ। ଅନେକ ଲୋକ ରୁଣ୍ଡ ହେବାରୁ ହାତୀଟି ଆଗକୁ ଆଗେଇ ଚାଲିଥିଲାା ପରେ ପେରେ ବନବିଭାଗ କର୍ମଚାରୀମାନେ ପହଞ୍ଚି ହାତୀକୁ ଜଙ୍ଗଲ ମୁହାଁ କରିବାକୁ ପ୍ରୟାସ ଚଳାଇଥିଲେ । ସେଠାରୁ ବାହାରି ହାତୀ ଶାଳବଣୀ, ଖଡିପାଳ , ବେଲଦା,ବଳଦୁଆଁ , ବାଲିପଶି ଗାଁ ଦେଇ ଏବେ ବାଉଁଶଗଡ ଜଙ୍ଗଲ ନିକଟରେ ରହିଛି । ଏହି ବାଟରେ ଯିବା ସମୟରେ ଅନେକ ଲୋକଙ୍କ ବାଡିରେ ଥିବା ଆମ୍ବ ଖାଇବା ସହ ଗଛକୁ ମଧ୍ୟ ଭାଙ୍ଗି ପକାଇଥିବା କହିଛନ୍ତି ଲୋକେ। ଆନନ୍ଦପୁର ରେଞ୍ଜର ନବ କିଶୋର ନାଏକ ଙ୍କ ନେତୃତ୍ୱ ରେ ଜଙ୍ଗଲ ବିଭାଗ କର୍ମଚାରୀ ମାନେ ହାତୀ କୁ ଜଗି ରହିଛନ୍ତି l