Garvita Odiaଭୁବନେଶ୍ୱର,୦୪/୦୫:ରଖେ ହରିମାରେ କିଏ । ମାତ୍ର ୨ ବର୍ଷର କଁଅଳ ଶିଶୁ । ହୁଏତ ଠିକ୍ରେ ଚାଲିବା ବି ଶିଖି ନଥିବ । ହେଲେ ହିଂସ୍ର ଜନ୍ତୁ ଭର୍ତ୍ତି ହୋଇଥିବା ଜଙ୍ଗଲ ଭିତରେ ମରିବା ପାଇଁ ଛାଡି ଦେଇ ଆସିଥିବା ଅବିବେକ ମଣିଷ ବି କେବେ ଭାବି ନଥିବ ଯେ ପିଲାଟି ଜୀବନ ନେଇ ଫେରିବ । ଏଭଳି ଘଟଣା ଦେଖିଲେ ଭଗବାନଙ୍କ ଚମତ୍କାର ଆଗରେ ଆପେ ମଥା ନଇଁ ଯାଏ । ଦୀର୍ଘ ୨୦ ଘଣ୍ଟା ଏକୁଟିଆ ଚାଲିଚାଲି ୨ କିଲୋମିଟର ବାଟ ଡେଇଁ ଏକ ବର୍ଡର ପର୍ଯ୍ୟନ୍ତ ପହଞ୍ଚିବା ପରେ ମଧ୍ୟପ୍ରଦେଶର ବେଗମଗଞ୍ଜ ଥାନା ଅଧିକାରୀ ପିଲାଟିକୁ ଉଦ୍ଧାର କରିଛନ୍ତି । ଏଭଳି ଅବସ୍ଥାରେ ଶିଶୁଟି ବଞ୍ଚି ରହିବା କୌଣସି ଚମତ୍କାର ଠାରୁ କମ୍ ନୁହେଁ ବୋଲି କହନ୍ତି ବେଗମଗଞ୍ଜର ପୋଲିସ୍ ଅଧିକାରୀ ସୋନାଲି ଗୁପ୍ତା । ମଧ୍ୟପ୍ରଦେଶର ବିଦିଶା ଜିଲ୍ଲାର ହାଇଦରଗଡ ଅଞ୍ଚଳର ଜଣେ ବ୍ୟକ୍ତି ନିଜ ସ୍ତ୍ରୀର ମୁଣ୍ଡକୁ ପଥରରେ ଛେଚି ହତ୍ୟା କରିବା ପରେ ପିଲାକୁ ଜଙ୍ଗଲରେ ପଶୁଙ୍କ ଆହାର ହେବା ପାଇଁ ଛାଡି ଆସିଥିବା ସଇତାନ୍ ବାପାକୁ ପୋଲିସ୍ ଗିରଫ୍ କରିଛି । ଶିଶୁ ଟି ଡାକ୍ତରଖାନାରେ ଚିକିତ୍ସିତ ହେଉଛି ।
ସକାଳେ ଉଠୁ ଉଠୁ ନାକ ବନ୍ଦ ହୋଇଯାଉଛି କି
Garvita Odia- May 9, 2026
ପରିବର୍ତ୍ତିତ ପାଗ ସମୟରେ ଶରୀର ଅନେକ ସମସ୍ୟାର ସମ୍ମୁଖୀନ ହୁଏ। କିଛି ଲୋକ ସକାଳେ ଉଠିବା ମାତ୍ରେ ନାକ ବନ୍ଦ ହେବା, ଛିଙ୍କିବା ଏବଂ ମୁଣ୍ଡ ଭାରୀ ଲାଗିବା ଭଳି ଲକ୍ଷଣ ଅନୁଭବ କରନ୍ତି। ଅନେକ ସମୟରେ, ଏହାକୁ ଏକ ସାଧାରଣ…
