Garvita Odia
ରାଉରକେଲା କେନ୍ଦ୍ର ଆଦିବାସୀମନ୍ତ୍ରୀ ତଥା ସୁନ୍ଦରଗଡ଼ ସାଂସଦ ଜୁଏଲ ଓରାମ ସୁନ୍ଦରଗଡ଼ର ପର୍ଯ୍ୟଟସ୍ଥଳଗୁଡ଼ିକୁ ବିକାଶ ପାଇଁ ଉପମୁଖ୍ୟମନ୍ତ୍ରୀ ତଥା ପର୍ଯ୍ୟଟନମନ୍ତ୍ରୀ ପ୍ରଭାତୀ ପରିଡାଙ୍କୁ ଚିଠି ଲେଖିଛନ୍ତି। ସ୍ଥାନୀୟ ଅଞ୍ଚଳର ଅର୍ଥନୈତିକ ଅଭିବୃଦ୍ଧି ପାଇଁ ୮ଟି ପର୍ଯ୍ୟଟନସ୍ଥଳର ତାଲିକା ଦେଇଛନ୍ତି। ଏଗୁଡ଼ିକ ମଧ୍ୟରେ ରହିଛି ବଣାଇ ବ୍ଲକ ଅନ୍ତର୍ଗତ ବଣାଇର ବାବା ବାଶେଣ୍ବର ମହାଦେବ ମନ୍ଦିର, ଲହୁଣିପଡ଼ା ବ୍ଲକ ଅନ୍ତର୍ଗତ କୁର୍ଡା ପଞ୍ଚାୟତର ସିଙ୍ଗାରଦେଇ, ତଳବାହାଲିର ଅଶୋକ ଝରଣ, ଫୁଲ୍ଝରର ମିରିଗ୍ ଲୋଟିନି, ବରିଟୋଲାର ବିଶେଶ୍ବର ମହାଦେବ, ଦର୍ଜିଂର ଦେଓଧର, କଲେଇପୋଷ ପଞ୍ଚାୟତର କଟା, ଗୁରୁଣ୍ଡିଆ ବ୍ଲକ ଅନ୍ତର୍ଗତ ବଣେଇକେଲା ପଞ୍ଚାୟତର ବାଦଲଗିରି ଜଳପ୍ରପାତ। ପ୍ରାକୃତିକ ସୌନ୍ଦର୍ଯ୍ୟ ପରିବେଶରେ ଥିବା ଏସବୁ ସ୍ଥଳର ବିକାଶହେଲେ ସ୍ଥାନୀୟ ଅଞଚଳବାସୀଙ୍କ ରୋଜଗାର ବଢ଼ିବ। ନିଯୁକ୍ତି ସୁଯୋଗ ସୃଷ୍ଟି ହେବ ବୋଲି ଜୁଏଲ ତାଙ୍କ ଚିଠିରେ ଉଲ୍ଲେଖ କରିଛନ୍ତି। ତେବେ କେନ୍ଦ୍ରମନ୍ତ୍ରୀ ଜୁଏଲଙ୍କ ଚିଠି ପାଇବା ଉପମୁଖ୍ୟମନ୍ତ୍ରୀ ଜିଲ୍ଲାର ପର୍ଯ୍ୟଟନସ୍ଥର ବିକାଶକୁ କେତେ ଗୁରୁତ୍ବ ଦେଉଛନ୍ତି, ତା’ ଉପରେ ଜିଲ୍ଲାବାସୀଙ୍କ ନଜର ରହିଛି।
