Garvita Odia
ନୂଆଦିଲ୍ଲୀ : ଲରେନ୍ସ ବିଷ୍ଣୋଇ ଗ୍ୟାଙ୍ଗ୍ ତରଫରୁ ପୁଣି ବିଶିଷ୍ଟ ହାସ୍ୟ କଳାକାର କପିଲ ଶର୍ମାଙ୍କୁ ଧମକ ଦିଆଯାଇଛି। କାନାଡାର ଟରୋଣ୍ଟୋ ସହରରେ ‘କପ୍ସ କ୍ୟାଫେ’ ନାମରେ କପିଲଙ୍କର ଏକ କ୍ୟାଫେ ରହିଛି। କପିଲଙ୍କ କ୍ୟାଫେକୁ ଲାଗି ନିକଟରେ ‘ଚାଏ ସୁଟ୍ଟା ବାର୍ କ୍ୟାଫେ’ ନାମରେ ଆଉ ଏକ ବାର୍ ମଧ୍ୟ ରହିଛି। ବିଷ୍ଣୋଇ ଗ୍ୟାଙ୍ଗ୍ର ସଦସ୍ୟମାନେ ଶନିବାର ଚାଏ ସୁଟ୍ଟା ବାର୍ ଉପରକୁ ଗୁଳି ଚଳାଇଥିବା ଜଣାପଡିଛି। ଏହି ଅବସରରେ ସେମାନେ କପିଲଙ୍କୁ ମଧ୍ୟ ଧମକ ଦେଇଛନ୍ତି। ଯଦି ସେମାନଙ୍କର ଦାବି ପୂରଣ କରାନଯାଏ, ତେବେ ଭବିଷ୍ୟତରେ ସେମାନେ କପିଲଙ୍କ କ୍ୟାଫେ ଏବଂ ମୁମ୍ବଇସ୍ଥିତ ବାସଭବନକୁ ନିଶାଣ କରିବେ ବୋଲି ଧମକ ଦେଇଛନ୍ତି।
