ପଶ୍ଚିମବଙ୍ଗରେ ମ୍ୟାଜିକ୍ ନମ୍ବର ଟପିଲା ବିଜେପି

ନୂଆଦିଲ୍ଲୀ : ସାରା ଦେଶର ନଜର ରହିଛି ଦେଶର ଚାରୋଟି ରାଜ୍ୟ ଏବଂ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ଅନୁଷ୍ଠିତ ବିଧାନସଭା ନିର୍ବାଚନ ଉପରେ। ଏହାମଧ୍ୟରେ ପଶ୍ଚିମବଙ୍ଗରେ ମ୍ୟାଜିକ୍ ନମ୍ବର ଟପିଲା ବିଜେପି। ଶାସକ ଟିଏମସିକୁ ପଛରେ ପକାଇ ୧୫୦ରୁ ଅଧିକ ସିଟରେ ଆଗୁଆ ଅଛି ବିଜେପି। ପଶ୍ଚିମବଙ୍ଗରେ ୨୯୩ରୁ ୨୮୭ ଆସନ ମଧ୍ୟରେ ବିଜେପି ୧୬୮, ଟିଏମସି ୧୧୨, ଅନ୍ୟାନ୍ୟ ୭।

ଭୋଟ ଗଣତି ବର୍ତ୍ତମାନ ଚାଲିଛି। ଧାରା ଆସିବା ଆରମ୍ଭ ହୋଇଛି। ସମଗ୍ର ଦେଶର ନଜର ଏହି ଫଳାଫଳ ଉପରେ ରହିଛି। ଏହି ନିର୍ବାଚନ ଫଳାଫଳ ମମତା ବାନାର୍ଜୀ, ହିମନ୍ତ ବିଶ୍ୱ ଶର୍ମା, ଷ୍ଟାଲିନ ଏବଂ ପି. ବିଜୟନଙ୍କ ଭଳି ହେଭିୱେଟ୍ ମୁଖ୍ୟମନ୍ତ୍ରୀମାନଙ୍କର ରାଜନୈତିକ ଭାଗ୍ୟ ମଧ୍ୟ ନିର୍ଣ୍ଣୟ କରିବ।

ଆଜି ପଶ୍ଚିମବଙ୍ଗ, ଆସାମ, କେରଳ, ତାମିଲନାଡୁ ଏବଂ ପୁଡୁଚେରୀର ନିର୍ବାଚନ ଫଳାଫଳ ପ୍ରକାଶ ପାଇବାର ଦିନ। ସମସ୍ତଙ୍କ ନଜର ପ୍ରମୁଖ ବ୍ୟକ୍ତିତ୍ୱଙ୍କ ନିର୍ବାଚନ ଫଳାଫଳ ଉପରେ ରହିବ। ଏହା ସହିତ, ଆକର୍ଷଣୀୟ ପ୍ରତିଯୋଗିତାର ସମ୍ମୁଖୀନ ହୋଇଥିବା ନିର୍ବାଚନମଣ୍ଡଳୀର ଫଳାଫଳ ମଧ୍ୟ ଆଲୋଚନାର ବିଷୟ ହେବ।