କାଳବୈଶାଖୀ କ୍ଷୟକ୍ଷତି: ଜିଲ୍ଲା କୃଷକ ସଂଘ ପକ୍ଷରୁ ଜିଲ୍ଲାପାଳଙ୍କୁ ଦାବିପତ୍ର

ଦେବଗଡ଼:କାଳବୈଶାଖୀ ପ୍ରଭାବରେ ଦେବଗଡ ଜିଲ୍ଲାର ବିଭିନ୍ନ ଅଂଚଳରେ ବ୍ୟାପକ କ୍ଷୟକ୍ଷତି ହେବା ସହ ପରିବା, ଲିଚୁ ଓ ଆମ୍ବ ଚାଷ କ୍ଷତିଗ୍ରସ୍ତ ହୋଇଛି।ତେବେ କ୍ଷୟକ୍ଷତିର ଆକଳନ କରି ତୁରନ୍ତ କ୍ଷତିପୂରଣ ପ୍ରଦାନ କରିବା ପାଇଁ ଜିଲ୍ଲା କୃଷକ ସଂଘ ପକ୍ଷରୁ ଦାବି କରାଯାଇଛି।ଏନେଇ ଆଜି ସଂଘ ସଭାପତି ପ୍ରମୋଦ ଝାଙ୍କର ଜିଲ୍ଲାପାଳଙ୍କୁ ସାକ୍ଷାତ କରି ଏକ ଦାବି ପତ୍ର ପ୍ରଦାନ କରିଛନ୍ତି।ସୂଚନା ଅନୁଯାୟୀ,କାଳବୈଶାଖୀ ପ୍ରଭାବରେ ଜିଲ୍ଲାର ରିଆମାଳ ବ୍ଲକର ତାରଙ୍ଗ,ବୁଡିଦୋ,ରିଆମାଳ,ନାଉଲିପଡା,ଲୁଲଙ୍ଗ,ବାରକୋଟ ବ୍ଲକର ଡଁଅରା,ଝୁମ୍ପୁରା,ବିଜୟନଗର,ବଳମ ଏବଂ ତିଲେଇବଣି ବ୍ଲକର ବିଭିନ୍ନ ଅଂଚଳରେ ପରିବା ଚାଷ, ଆମ୍ବ ଓ ଲିଚୁ ଚାଷ କ୍ଷୟକ୍ଷତି ହୋଇଥିବା ସଂଘ ପକ୍ଷରୁ ଅଭିଯୋଗ କରାଯାଇଛି।ବିଶେଷକରି ରିଆମାଳ ବ୍ଲକର ବିଭିନ୍ନ ପଂଚାୟତରେ କାଳ‌ବୈଶାଖୀ ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି। ତେବେ ଶୀଘ୍ର କ୍ଷୟକ୍ଷତିର ଆକଳନ କରି ଚାଷୀଙ୍କୁ କ୍ଷତିପୂରଣ ପ୍ରଦାନ କରିବା ପାଇଁ ସଂଘ ପକ୍ଷରୁ ଦାବି କରାଯାଇଛି।