କିଶୋର ନ୍ୟାୟ ଓ ସାଇବର ସୁରକ୍ଷା ସଂପର୍କିତ କର୍ମଶାଳା

ଦେବଗଡ଼:ସ୍ଥାନୀୟ ବସନ୍ତ ନିବାସରେ ଆଜି ଜିଲ୍ଲା ଶିଶୁ ସୁରକ୍ଷା ୟୁନିଟ ପକ୍ଷରୁ କିଶୋର ନ୍ୟାୟ ,ସାଇବରସୁରକ୍ଷା ଓ ପ୍ରଶାସନିକ ସେବାରେ ଏଆଇ ଟୁଲର ବ୍ୟବହାର ସଂପର୍କିତ ଦୁଇଦିନିଆ ତାଲିମ କର୍ମଶାଳା ଅନୁଷ୍ଠିତ ହୋଇଯାଇଛି। ଜିଲ୍ଲା ଶିଶୁ ସୁରକ୍ଷା ଅଧିକାରୀ ରୋମିଓ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ଶିଶୁ ମଙ୍ଗଳ କମିଟି ଅଧ୍ୟକ୍ଷା ସୁଷମା ମଞ୍ଜରୀ ମହାପାତ୍ର ମୁଖ୍ୟଅତିଥି,କିଶୋର ନ୍ୟାୟ ବୋର୍ଡ ସଦସ୍ୟା ପ୍ରବୀଣା ମିଶ୍ର ,ସିଡବ୍ଲୁସି ସଦସ୍ୟା ଗାୟତ୍ରୀ ଦ୍ବିବେଦୀ, ନିର୍ଜନା ମାହାର ,ଶିଶୁ ରୋଗ ବିଶେଷଜ୍ଞ ଡା.ମାନସାଙ୍ଗ ମୁର୍ମୁ ଅନ୍ୟତମ ଅତିଥି ଭାବେ ଯୋଗ ଦେଇ ନିଜର ବକ୍ତବ୍ୟ ରଖିଥିଲେ।ସାଇବର ଥାନା ଅଧିକାରୀ ବିପ୍ଲବ ସାହୁ ,ସିଡବ୍ଲୁସି ସଦସ୍ୟା ସୁମିତ୍ରା ପୁରୋହିତ,ଯତୀନ୍ଦ୍ର ମୋହନ ନାୟକ ,ଲିଗାଲ ପ୍ରୋବେସନ ଅଫିସର ସୁଧୀର ଜେନା ,ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀ ମହାପାତ୍ର ତାଲିମଦାତା‌ ଭାବେ ଯୋଗ ଦେଇ ଶିଶୁ ସୁରକ୍ଷା ପାଇଁ ସାଇବର ସଚେତନତା ,କିଶୋର ନ୍ୟାୟ ଅଧିନିୟମ,ପ୍ରଶାସନିକ କାର୍ଯ୍ୟରେ ଏଆଇ ଟୁଲର ବ୍ୟବହାର , ପୋକସୋ ଆକ୍ଟ , ମିସନ ବାତ୍ସଲ୍ୟ ଓ ଯଶୋଦା ଯୋଜନା ସମ୍ପର୍କରେ ଆଲୋଚନା କରିଥିଲେ।କର୍ମଶାଳା ପରିଚାଳନାରେ ବିଭାଗୀୟ ଅଧିକାରୀ ଚିନ୍ମୟ ସ୍ଵାଇଁ,ଦେବରଞ୍ଜନ ପ୍ରଧାନ , ଅଜିତ ନାୟକ ,କ୍ରାନ୍ତି ମଞ୍ଜରୀ ଧାଉଁଳିଆ, ଲିଙ୍ଗରାଜ ପ୍ରଧାନ ,ଲିପନ ବଣିଚୁଳ ଓ ଗଗନ ବିଶ୍ଵାଳ ସହଯୋଗ କରିଥିଲେ।ଏଥିରେ ଶିଶୁ ମଙ୍ଗଳ ସମିତି ଓ କିଶୋର ନ୍ୟାୟ ବୋର୍ଡର ସଦସ୍ୟ ସଦସ୍ୟା,ଚାଇଲ୍ଡ ହେଲପଲାଇନ,ଶିଶୁ ଗୃହ,ପୋଷ୍ୟ ସନ୍ତାନ ଗ୍ରହଣ କେନ୍ଦ୍ର ଓ ଶିଶୁ ସୁରକ୍ଷା ୟୁନିଟର କର୍ମଚାରୀମାନେ ଉପସ୍ଥିତ ଥିଲେ।