କୁମକୀ ହାତୀ ‘ଯଶୋଦା’ ମୃତ

ବାରିପଦା: ଶିମିଳିପାଳର କୁମକୀ ହାତୀ  ‘ଯଶୋଦା’ ର ମୃତ୍ୟୁ ହୋଇଥିବା ନେଇ ଶିମିଳିପାଳ ବ୍ୟାଘ୍ର ପ୍ରକଳ୍ପ କ୍ଷେତ୍ର ନିର୍ଦ୍ଦେଶକ ଡ଼ ପ୍ରକାଶ ଚନ୍ଦ୍ର ଗୋଗିନେନୀ ସୂଚନା ଦେଇଛନ୍ତି ।  ସୂଚନା ମୁତାବକ, ଶିମିଳିପାଳ ଜେନାବିଲରେ ଯଶୋଦା ହାତୀର ମୃତ୍ୟୁ ହୋଇଛି । ତେବେ ଅକ୍ଟୋବର ମାସ ୩୦ ତାରିଖରୁ ଯଶୋଦା ହାତୀର ମୃତ୍ୟୁ ହୋଇଥିବା ବେଳେ ଏ ଖବର ଆଜି ଗଣମାଧ୍ୟମକୁ ଦିଆ ଯାଇଛି । ମୃତ୍ୟୁବେଳକୁ ଯଶୋଦାକୁ ୩୬ ବର୍ଷ ହୋଇଥିଲା ବୋଲି ସୂଚନା ମିଳିଛି । ଚନ୍ଦକାରେ ଥିବା ବେଳେ ଯଶୋଦା ହାତୀ ଅସୁସ୍ଥ ହୋଇଥିଲା । ଶିମିଳିପାଳରେ ଯଶୋଦା ହାତୀର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଯଶୋଦା ବାବଲୁର ପାଳିତ ମାଆ ଥିଲା ।