Garvita Odia
ଦେବଗଡ : ଜିଲ୍ଲାପାଳଙ୍କ ବିକାଶ ଭବନ ସମ୍ମିଳନୀ କକ୍ଷରେ ଆଜି ବ୍ଲକର ଗ୍ରାମାଂଚଳରେ ଡାହାଣୀ ଶିକାର ରୋକିବା ପାଇଁ ଜିଲ୍ଲାପାଳ କବିନ୍ଦ୍ର କୁମାର ସାହୁଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ୩ ବ୍ଲକ୍ ର ବିଭିନ୍ନ ଗ୍ରାମରେ ଡାହାଣୀ ଶିକାର ହେଉଥିବା କୁପ୍ରଭାବରୁ ରକ୍ଷା ପାଇବା ପାଇଁ ଏକ ସଚେତନତା କରିବାପାଇଁ ପାଲା ,ଦାସକାଠିଆ ଓ ସଚେତନତା ସଭା କରାଯିବାପାଇଁ ସ୍ଥିରିକୃତ କରାଯାଇଥିଲା । ବୈଠକରେ ଡେପୁଟୀ କଲେକ୍ଟର ସୌମ୍ୟାଶ୍ରୀ, ପ୍ରିୟା ତିର୍କି,ଜିଲ୍ଲା ଶିକ୍ଷା ଅଧିକାରୀ ଗେନ୍ଦ୍ରା କୁଜୁର,ଜିଲ୍ଲା ସଂସ୍କୃତି ଅଧିକାରୀ ମୁକେଶ ଭୋଇ, ଗୋଷ୍ଠୀ ଉନ୍ନୟନ ଅଧିକାରୀ ରିଆମାଳ ଆଦିତ୍ୟ ପଣ୍ଡା, ଗୋଷ୍ଠୀ ଉନ୍ନୟନ ଅଧିକାରୀ ତିଲେଇବଣି ପ୍ରିୟଦର୍ଶିନୀ ମିର୍ଦ୍ଧା,ମିଶନ ଶକ୍ତି ଜ଼ିଲ୍ଲା ପ୍ରକଳ୍ପ ସଂଯୋଜକ ଶିଶିର ଷଡ଼ଙ୍ଗୀ,ଜିଲ୍ଲା ସମାଜ ମଙ୍ଗଳଅଧିକାରୀ ସୁରତି ପ୍ରଧାନ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋରଞ୍ଜନ ସୂତାର ଓ ବିଭିନ୍ନ ଲାଇନ୍ ଡିପାର୍ଟମେଣ୍ଟ ଅଧିକାରୀ ପ୍ରମୁଖ ଉପସ୍ଥିତ ଥିଲେ।
