Garvita Odia
ଜଗତସିଂହପୁର : ଜଗତସିଂହପୁର ଜିଲା କ୍ରୀଷ୍ଣାନନ୍ଦପୁର ଥାନା ଅଞ୍ଚଳରେ କୋଟିଏ ଟଙ୍କା ଠକେଇ । ସହଜ ଜନ ସେବା କେନ୍ଦ୍ର କରି ବିଭିନ୍ନ ଗ୍ରାହକଙ୍କ ଠାରୁ କୋଟିଏରୁ ଉର୍ଦ୍ଧ୍ବ ଟଙ୍କା ଠକେଇ । ଦୁଇ ଠକ ଅଭିଯୁକ୍ତ ଗିରଫ । ଗିରଫ ଅଭିଯୁକ୍ତ କ୍ରୀଷ୍ଣା ନନ୍ଦପୁର ଥାନା ଆଖୁନ ମହଲାର ଦୁଇଭାଇ ସେକ ଆବୁ ସୋଫିଆନ ଓ ସେକ ଆବୁ କଲାମ ଇସୁଫ । ଉଭୟ ଠକଙ୍କ ସମସ୍ତ ଆକାଉଣ୍ଟ କ୍ରୀଷ୍ଣାନନ୍ଦପୁର ପୋଲିସ ଫ୍ରିଜ କରିଛି ।
ଜନ ସେବା କେନ୍ଦ୍ର ମାଧ୍ୟମରେ ଲୋକଙ୍କୁ ସେବା ଯୋଗାଇ ଦେବା ବାହାନାରେ ଗ୍ରାହକ ମାନଙ୍କ ଫିଙ୍ଗରପ୍ରିଣ୍ଟ ଓ ଓଟିପି ବ୍ୟବହାର କରି ଲୋକଙ୍କ ଠାରୁ ଲୁଟ କରୁଥିଲେ ।ଗ୍ରାହକ ଏହା ବାବଦରେ ଜାଣିବା ପରେ କ୍ରିଷ୍ଣାନନ୍ଦପୁର ଥାନାରେ ଏତଲା ଦେବା ସହିତ ଜଗତସିଂହପୁର ସାଇବର ଥାନାରେ ମଧ୍ୟ ଏତଲା ଦେଇଥିଲେ ।ଏସ୍ପି ଅଙ୍କିତ ବର୍ମା ଓ ଏସଡିପିଓ ଅଜୟ କୁମାର ଦାସଙ୍କ ନିର୍ଦେଶରେ ଏକ ସ୍ୱତନ୍ତ୍ର ଟିମ ଗଠନ କରାଯାଇ ଠକ ଦୁଇ ଭାଇଙ୍କୁ କଟକରୁ ଗିରଫ କରାଯାଇଛି ବୋଲି ତିର୍ତ୍ତୋଲ ଏସଡିପିଓ ସୂଚନା ଦେଇଛନ୍ତି ।
