Garvita Odia
ଦେବଗଡ:ପୌରାଞ୍ଚଳର ଜେଲ ଛକରୁ ଆଜି ଜବରଦଖଲ ଉଚ୍ଛେଦ କରାଯାଇଛି। ବହୁ ବର୍ଷ ହେଲା ଜେଲ ଛକରେ ଥିବା ସରକାରୀ ଜାଗାରେ ଦୋକାନ ଗୃହ ଏବଂ କ୍ୟାବିନ ନିର୍ମାଣ କରି ବ୍ୟବସାୟୀମାନେ ନିଜ ପରିବାର ପ୍ରତିପୋଷଣ କରୁଥିଲେ।ତେବେ ଆଜି ପ୍ରଶାସନ ପକ୍ଷରୁ ଜେସିବି ଲଗାଇ ସମସ୍ତ ଦୋକାନ ଗୃହ ଏବଂ କ୍ୟାବିନ ଭାଙ୍ଗି ଦେବା ସହିତ ଜବରଦଖଲ ଉଚ୍ଛେଦ କରାଯାଇଛି । ଦେବଗଡ ତହସିଲଦାର କର୍ଣ୍ଣ ମଲ୍ଲିକଙ୍କ ତତ୍ତ୍ୱାବଧାନରେ ପୁଲିସ ଉପସ୍ଥିତି ରେ
ଜବର ଦଖଲ ଉଚ୍ଛେଦ କରାଯାଇଥିଲା ।ଉକ୍ତ ସରକାରୀ ସ୍ଥାନରେ ପ୍ରଶାସନ ତରଫରୁ କୌଣସି ପ୍ରକଳ୍ପ ନିର୍ମାଣ କରାଯିବ ବୋଲି ଜଣାପଡ଼ିଛି।ପୂର୍ବରୁ ସେମାନଙ୍କୁ ଉଚ୍ଛେଦ ପାଇଁ ନୋଟିସ ମଧ୍ୟ ଦିଆଯାଇଥିଲା।
