ଦୁର୍ଦ୍ଦାନ୍ତ ଅପରାଧୀ କାଳିଆକୁ ଏନ୍‌କାଉଣ୍ଟର

ପୁରୁଷୋତ୍ତମପୁର: ଗଞ୍ଜାମ ଜିଲାରେ ପୁଣି ଏନକାଉଣ୍ଟର । ପୁରୁଷୋତ୍ତମପୁର ପୋଲିସ ପକ୍ଷରୁ ପ୍ରଥମଥର ଏନକାଉଣ୍ଟର କରାଯାଇଥିଲା । ପୁରୁଷୋତ୍ତମପୁର ନଦୀତଟ ସାହିର କୁକ୍ଷାତ ଅପରାଧି କାଳିଆ ଓରଫ ଘନଶ୍ଯାମବେହେରାଙ୍କୁ ପୋଲିସ ଏନକାଉଣ୍ଟର କରିଛି । କାଳିର ଗ୍ଯାଙ୍ଗ ଦିର୍ଘଦିନହେଲା ପୁରୁଷୋତ୍ତମରପୁର ଥାନା ସମେତ କୋଦଳା, କବିସୂର୍ଯ୍ଯନଗର, ବେଗୁନିଆପଡା, କୋଟିନଡା, ପାଟପୁର ଥାନା ଅଞ୍ଚଳ ସମେତ ଜିଲାର ବିଭିନ୍ନ ସ୍ଥାନରେ ଚୋରି, ଡକାୟତି ରାହାଜିକରି ଆତଙ୍କରାଜ ଚଳାଉଥିଲେ ।ଏପରିକି ଗତ ମାର୍ଚ୍ଚମାସ ୨ ତାରିଖରେ ଏହିଗ୍ଯାଙ୍ଗ ଏକ ଅପରାଧିକ ଯୋଜନାଲାଗି ଷଡଯନ୍ତ୍ର କରୁଥିବା ବେଳେ ନିଜ ବନ୍ଧୁକରୁ ଗୁଳିଫୁଟି ତାଙ୍କ ସହଯୋଗୀ ଆହାତ ହୋଇଥିଲେ । ପୋଲିସଠୁ ବର୍ତ୍ତିବା ପାଇଁ ଶିକୁଳା ଶୁଣ୍ଢିବାଙ୍କ ଠାରେ କେହି ଗୁଳିକରିଦେଇଥିବାର ନାଟକ ରଚିଥିଲେ । ପୋଲିସ ତଦନ୍ତ ପରେ ଏହିଗ୍ଯାଙ୍ଗର କିଛିବ୍ଯକ୍ତିଙ୍କୁ ଗିରଫ କରିଥିଲା । ଏମାନଙ୍କ ଏଭଳି ଅସାମାଜିକ କାର୍ଯ୍ୟକୁ ନେଇ ଜନସାଧାରଣ ଭୟଭୀତହୋଇ ଆତଙ୍କିତ ଅବସ୍ଥାରେ ରହିଥିବାବେଳେ ଏହାକୁ ନେଇ ପୋଲିସର ମୁଣ୍ଡବଥାର କାରଣ ପାଲିଟିଥିଲା ।
ଏହି ଗ୍ଯାଙ୍ଗକୁ ଧରିବାଲାଗି ପୁରୁଷୋତ୍ତମପୁର ଏସଡିପିଓ ସୁଜିତକୁମାର ନାୟକ ଓ ଆଇଆଇସି କୁଳମଣି ସେଠୀ ସ୍ବତନ୍ତ୍ର ଟିମ ଗଠନ କରି ବିଭିନ୍ନ ସ୍ଥାନରେ ଚଢାଉ କରିବାରେ ଲାଗିଥିଲେ । ଶୁକ୍ରବାର ସକାଳ ୯ଘଣ୍ଟା ସମୟରେ କାଳିଆ ଓ ତାର ସହଯୋଗୀ ଏକମୋଟର ସାଇକେଲରେ ଯାଉଥିବାର ଖବରପାଇ ପୁରୁଷୋତ୍ତମପୁର ଆଇଆଇସି କୁଳମଣି ସେଠୀ ପିଛାକରି ଗୋଡାଇ ଗୋଡାଇ ଯିବାବେଳେ କୋଦଳାଥାନା ନିକଟସ୍ଥ କନିଆରି-ଛୁଞ୍ଚିପଡା ଜଙ୍ଗଲ ରାସ୍ତାରେ କାବୁ କରିଥିଲେ । ଏହିସମୟରେ କାଳିଆ ପୋଲିସ ଉପରକୁ ଫାଇରିଂ କରିବା ସହ ବୋମା ଫିଙ୍ଗିଥିଲା । ଦିର୍ଘସମୟ ଧରି ପୋଲିସ ଓ କାଳିଆ ମଧ୍ଯ୍ଯରେ ମୁହାଁମୁହିଁ ଲାଗରହିଥିବା ବେଳେ ଶେଷରେ ଆଇଆଇସି କୁଳମଣି ସେଠି ଫାଇରିଂ କରି ଏନକାଉଣ୍ଟର କରିଥିଲେ । ଏହି ସମୟରେ ତାର କିଛି ସହଯୋଗୀ ପୋଲିସକୁ ଚକମାଦେଖାଇ ଜଙ୍ଗଲ ଭିତରକୁ ପଳାଇଥିଲେ । ପୋଲିସ କାଳିଆକୁ ଘଟଣାସ୍ଥଳରୁ ଉଦ୍ଧାର କରି ପ୍ରଥମେ କୋଦଳା ଗୋଷ୍ଠୀ ସ୍ବାସ୍ଥ୍ଯକେନ୍ଦ୍ରକୁ ଆଣି ଚିକିତ୍ସା କରାଇ ବ୍ରହ୍ମପୁର ବଡମେଡିକାଲକୁ ନେଇଥିବା ଆଇଆଇସି କହିଛନ୍ତି ।