Garvita Odia
ନୂଆଦିଲ୍ଲୀ: ଆମେରିକାର ଟାରିଫ ଝଟକା ମଧ୍ୟରେ ଦେଶର ଅର୍ଥନୀତି ପାଇଁ ଗୋଟିଏ ଭଲ ଖବର ଆସିଛି। ଆଶା ଠାରୁ ଦେଶର ଅର୍ଥନୀତିକ ଅଭିବୃଦ୍ଧି ଅଧିକ ହୋଇଛି। ଚଳିତ ଆର୍ଥିକ ବର୍ଷର ପ୍ରଥମ କ୍ୱାର୍ଟରେ ଦେଶର ଜିଡିପି ୭.୮% ହାରରେ ଆଗକୁ ବଢ଼ିଛି। ଏହାର ଅର୍ଥ ଦେଶର ଅଭିବୃଦ୍ଧି ୭.୮% ହାରରେ ଆଗକୁ ଦୌଡ଼ୁଛି।
ବାସ୍ତବରେ ଚଳିତ ଆର୍ଥିକ ବର୍ଷର ପ୍ରଥମ କ୍ୱାର୍ଟରରେ ଜିଡିପି ୬.୫% ରହିବ ବୋଲି ଆକଳନ କରାଯାଇଥିଲା। କିନ୍ତୁ ଏହା ଠାରୁ ଅଧିକ ବେଗରେ ଅଭିବୃଦ୍ଧି ସମସ୍ତଙ୍କୁ ଉତ୍ସାହିତ କରିଛି। ଏହି ସଂଖ୍ୟା ଗତବର୍ଷର ପ୍ରଥମ କ୍ୱାର୍ଟର ଅଭିବୃଦ୍ଧି ତୁଳନାରେ ୧.୩% ଅଧିକ।ଶେଷ ଆର୍ଥିକ ବର୍ଷର ଏପ୍ରିଲ-ଜୁନ କ୍ୱାର୍ଟରରେ ଭାରତ ଜିଡିପି ଅଭିବୃଦ୍ଧି ୬.୫% ହାରରରେ ହୋଇଥିଲା। ୨୦୨୫-୨୦୨୬ ଆର୍ଥିକ ବର୍ଷର ଏପ୍ରିଲ-ଜୁନ କ୍ୱାର୍ଟରରେ ଅଭିବୃଦ୍ଧି ଗତ କ୍ୱାର୍ଟର ତୁଳନାରେ ସବୁଠାରୁ ଦ୍ରୁତ ଓ ଅଧିକ। ଶେଷଥର ପାଇଁ ୨୦୨୪ର ଜାନୁଆରୀରୁ ମାର୍ଚ୍ଚ କ୍ୱାର୍ଟରରେ ଦେଶର ଜିଡିପି ଅଭିବୃଦ୍ଧି ସର୍ବାଧିକ ୮.୪% ରେକର୍ଡ କରାଯାଇଥିଲା। ଏହାପରେ ଅର୍ଥନୀତିକ ଅଭିବୃଦ୍ଧି ହ୍ରାସ ପାଇଥିଲା। ଏବେ ଆଶା ଠାରୁ ଅଧିକ ରହିଛି ଜିଡିପି।ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଏପ୍ରିଲରୁ ଜୁନ କ୍ୱାର୍ଟରରେ ଚାଇନାର ଅଭିବୃଦ୍ଧି ୫.୨% ରହିଥିବା ବେଳେ ଭାରତ ୭.୮% ବେଗରେ ଆଗକୁ ଯାଉଛି। ଏହାର ଅର୍ଥ ଭାରତ ଦ୍ରୁତଗତିରେ ଆଗକୁ ଯାଉଥିବା ଗୋଟିଏ ଅର୍ଥନୀତିକ ରାଷ୍ଟ୍ରରେ ପରିଣତ ହୋଇଛି।ଏପରି ଅଭିବୃଦ୍ଧି ସେବା ଓ କୃଷି କ୍ଷେତ୍ରରେ ମିଳିଥିବା ସଫଳତା ପାଇଁ ସମ୍ଭବ ହୋଇଛି। ସେବା କ୍ଷେତ୍ରରେ ଅଭିବୃଦ୍ଧି ହାର ୯.୩% ରହିଥିବା ବେଳେ କୃଷି କ୍ଷେତ୍ରରେ ଏହା ୩.୭% ରହିଛି। ଗତବର୍ଷ ଏପ୍ରିଲରୁ ଜୁନ କ୍ୱାର୍ଟରରେ ସେବା କ୍ଷେତ୍ରର ଅଭିବୃଦ୍ଧି ୬.୮% ଓ କୃଷି କ୍ଷେତ୍ରର ଅଭିବୃଦ୍ଧି ୧.୫% ହୋଇଥିଲା। ସେହିପରି ଗତବର୍ଷ ନିର୍ମାଣ କ୍ଷେତ୍ରର ଅଭିବୃଦ୍ଧି ହ୍ରାସ ପାଇଛି। ଗତବର୍ଷ ଏହା ୧୦.୧% ରହିଥିବା ବେଳେ ଚଳିତ କ୍ୱାର୍ଟରରେ ୭.୬%କୁ ଖସି ଆସିଛି।ଆରବିଆଇ ଆକଳନ କରିଥିଲା ଯେ ଦେଶର ଜିଡିପି ଅଭିବୃଦ୍ଧି ୨୦୨୫-୨୬ରେ ୬.୫% ରହିବ। କ୍ୱାର୍ଟର କଥା ବିଚାରକୁ ନେଲେ ଜାନୁଆରୀରୁ ମାର୍ଚ୍ଚ ଏହା ୬.୫%, ଏପ୍ରିଲରୁ ଜୁନରେ ଏହା ୬.୭%, ଜୁଲାଇରୁ ସେପ୍ଟେମ୍ବର ମଧ୍ୟରେ ଏହା ୬.୬% ଓ ଶେଷ କ୍ୱାର୍ଟରରେ ଏହା ୬.୩% ରହିବ ବୋଲି କହିଥିଲା। କିନ୍ତୁ ଏପ୍ରିଲରୁ ଜୁନରେ ଜିଡିପି ଅଭିବୃଦ୍ଧତ ୭.୮% ରହିଛି।
