ବଦଳିଲା ରେଳବାଇର ନିୟମ; ବିନା ଟିକେଟ୍‌ରେ ଯାତ୍ରା କଲେ ଦୁଇଗୁଣା ଜରିମାନା ସହ ଜେଲ ଦଣ୍ଡ

ନୂଆଦିଲ୍ଲୀ,: ପ୍ରତିଦିନ ଲକ୍ଷ ଲକ୍ଷ ଲୋକଙ୍କୁ ସେମାନଙ୍କ ଗନ୍ତବ୍ୟ ସ୍ଥଳରେ ପହଞ୍ଚାଉଥିବା ଟ୍ରେନ, ଲୋକଙ୍କ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ଅଟେ। କମ ଭଡ଼ା ହେବା ସତ୍ତ୍ୱେ ମଧ୍ୟ କିଛି ଯାତ୍ରୀ ବିନା ଟିକେଟରେ ଟ୍ରେନରେ ଯାତ୍ରା କରିବାକୁ ଲାଗନ୍ତି, କିନ୍ତୁ ଏବେ ଏଭଳି ଯାତ୍ରୀମାନଙ୍କର ନିସ୍ତାର ନାହିଁ। ଭାରତୀୟ ରେଳବାଇ ଯାତ୍ରୀମାନଙ୍କ ପାଇଁ ନିୟମକୁ ପୂର୍ବ ଅପେକ୍ଷା ଅଧିକ କଡ଼ାକଡ଼ି କରିଦେଇଛି।

ଏବେ ଯଦି କୌଣସି ଯାତ୍ରୀ ବୈଧ ଟିକେଟ ବିନା ଧରାପଡ଼ନ୍ତି, ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ଏବଂ ଏଥିସହିତ ଜରିମାନା ମଧ୍ୟ ପୂର୍ବ ଅପେକ୍ଷା ଦୁଇଗୁଣା ଆଦାୟ କରାଯିବ। ଏହି ପରିବର୍ତ୍ତନ ପଛରେ ରେଳବାଇର ଏକମାତ୍ର ଉଦ୍ଦେଶ୍ୟ ହେଉଛି ଯେ, ଏହାଦ୍ୱାରା ଯାତ୍ରୀମାନେ ଶୃଙ୍ଖଳା ରକ୍ଷା କରିବେ ଏବଂ ବିନା ଟିକେଟ ଯାତ୍ରା ଉପରେ ମଧ୍ୟ ରୋକ ଲାଗିପାରିବ।

ରେଳବାଇର ନୂଆ ନିୟମ ଅନୁଯାୟୀ, ଜନ ବିଶ୍ୱାସ ଆକ୍ଟ ୨୦୨୬ ଅଧୀନରେ ରେଳବାଇ ଆକ୍ଟ ୧୯୮୯ ର ଧାରା ୧୩୭ ଏବଂ ୧୩୮ ରେ ପରିବର୍ତ୍ତନ କରାଯାଇଛି। ଏହା ଅଧୀନରେ ଏବେ ବିନା ଟିକେଟରେ କିମ୍ବା ପୂର୍ବରୁ ବ୍ୟବହାର ହୋଇସାରିଥିବା ଟିକେଟ ସହ ଯାତ୍ରା କରିବା ଅପରାଧ ବୋଲି ବିବେଚନା କରାଯିବ। ଧରାପଡ଼ିଲେ ଯାତ୍ରୀଙ୍କୁ କେବଳ ସମ୍ପୂର୍ଣ୍ଣ ଭଡ଼ା ଦେବାକୁ ପଡ଼ିବ ନାହିଁ, ବରଂ ଅଲଗା ଭାବେ ଜରିମାନା ମଧ୍ୟ ଦେବାକୁ ହେବ। ଧ୍ୟାନ ଦିଅନ୍ତୁ ଯେ, ପୂର୍ବରୁ ଜରିମାନା ୨୫୦ ଟଙ୍କା ଥିଲା, ଯାହାକୁ ଏବେ ନୂଆ ସର୍ବନିମ୍ନ ଜରିମାନା ୫୦୦ ଟଙ୍କାକୁ ବୃଦ୍ଧି କରାଯାଇଛି। ଏହି ନିୟମ ୨୦ ଜୁନ ୨୦୨୬ ଅର୍ଥାତ୍ ଆଜିଠାରୁ ହିଁ ଲାଗୁ ହୋଇଯାଇଛି।

କେଉଁ କେଉଁ କ୍ଷେତ୍ରରେ ଜରିମାନା ଲାଗିବ?

-ଯଦି କୌଣସି ଯାତ୍ରୀ ବିନା ଟିକେଟରେ ଯାତ୍ରା କରୁଥିବା ସମୟରେ ଧରାପଡ଼ନ୍ତି।
-ସେହିପରି ପୁରୁଣା ଟିକେଟ ସହ ଯାତ୍ରା କଲେ ମଧ୍ୟ ଜରିମାନା ଆଦାୟ କରାଯିବ।
-କିମ୍ବା ଯଦି କେହି ଭୁଲ (ଅବୈଧ) ଟିକେଟ ସହିତ ଟ୍ରେନରେ ଯାତ୍ରା କରନ୍ତି।